Նարեկ Կարապետյանի հանդիպումը երիտասարդների հետ․ ներկայացվել է նաև քաղաքական IA բոտը

Փետրվարի 25-ին Տաշիր Արենայում տեղի ունեցավ «Ուժեղ Հայաստան» կուսակցության խորհրդի անդամ Նարեկ Կարապետյանի հանդիպումը երիտասարդների հետ։

Նարեկ Կարապետյանը երիտասարդներին ներկայացրեց «Ուժեղ Հայաստան» կուսակցության առաջնորդ Սամվել Կարապետյանի 5 տնտեսական քայլերը, ինչպես նաև երիտասարդական քաղաքականության տեսլականը։ Բաց և անկեղծ միջավայրում երիտասարդները Նարեկ Կարապետյանի հետ հարցուպատասխանի ձևաչափով քննարկեցին իրենց հուզող հարցերը։

Հանդիպման ընթացքում տեղի ունեցավ «Միսթր Ուժ» -ի պաշտոնական պրեզենտացիան։ Պատմության մեջ առաջին անգամ գործարկվեց IA գործիքով ստեղծված քաղաքական բոտը, որը 24/7 ռեժիմով պատասխանում է «Ուժեղ Հայաստան» կուսակցության ծրագրերի ու տեսլականի վերաբերյալ հարցերին։

Հանդիպման ընթացքում խոսվել է երիտասարդների զարգացման մի քանի ճանապարհների մասին, որոնցից մեկը բարձր տեխնոլոգիաների ոլորտն է։ Այն կարող է լավ ուղի ստեղծել մեր երկրի ապագայի համար։ Ինչպես նաև սկսնակ ձեռնարկատերերին աջակցելու և նրանց կողքին կանգնելու պատրաստակամություն է ստանձնել Նարեկ Կարապետյանը։

Հաջորդ թեման որը քննարկվել է դա կրթությանն էր վերաբերվում։ Գերազանց սովորող ուսանողը պետք է անվճար ուսում ստանալու հնարավորություն ունենա Հայաստանի Հանրապետությունում։

Նարեկ Կարապետյանը կիսվել է իր առաջին փոքր ձեռնարկատիրության պատմությամբ, և փորձել երիտասարդների համար օրինակ լինել։

Եվ ամենավերջում խոսվել է երկրի համար լավ ապագա ստեղծելու նախադրյալների մասին, որը պետք է իրականացնի մեր երիտասարդությունը։