«-46°C» ձմեռային փառատոնը հետաձգվել է՝ եղանակային անբարենպաստ պայմաններով պայմանավորված
Շիրակի մարզի Ամասիա համայնքում փետրվարի 28-ին նախատեսված «-46°C» ձմեռային փառատոնը եղանակային անբարենպաստ պայմաններով և ուժեղ ձնաբքով պայմանավորված հետաձգվել է։ «Արմենպրես»-ի հաղորդմամբ՝ փառատոնի կազմակերպիչները տեղեկացնում են, որ որոշումը կայացվել է՝ ելնելով մասնակիցների ու հյուրերի անվտանգությունից և հարմարավետությունից։
Կազմակերպիչները նշում են, որ Ամասիայում դեռ առատ ձյուն կա, ինչը թույլ կտա մարտին ևս միասին վայելել ձմռան շունչն ու գեղեցկությունը։ Առաջիկա օրերին կազմակերպիչները հանդես կգան նոր հայտարարությամբ՝ տեղեկացնելով փառատոնի անցկացման ստույգ օրվա մասին։
Փառատոնը ժամանցային, սպորտային և մշակութային միջոցառում է, որը միավորում է ակտիվ միջավայրը, ընտանեկան ժամանցը և ազգային մշակույթը մեկ տոնական մթնոլորտում։ Ծրագրի շրջանակում նախատեսվում են տարբեր սպորտային մրցույթներ ու հետաքրքիր խաղեր։ Փառատոնը տեղի է ունենալու Ամասիայից դեպի Բերդաշեն տանող ճանապարհին:
Միջոցառումն անցկացվելու է արդեն չորրորդ տարին: Այս տարի այն կանցկացվի EU-LEAD4Shirak ծրագրի շրջանակներում՝ Եվրոպական միության և Ավստրիական զարգացման համագործակցության և Ամասիայի համայնքապետարանի ֆինանսական աջակցությամբ՝ «Հյուսիսային ուղի» տեղական ակտիվ խմբի կողմից։
Թուրքիայում սկսվել է հակաադրբեջանական յուրահատուկ ալիք․ Վարուժան Գեղամյան
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ