Կանադայի վարչապետը 10-օրյա ուղևորություն է սկսում դեպի Հնդկաստան, Ավստրալիա և Ճապոնիա
Կանադայի վարչապետ Մարկ Քարնին փետրվարի 27-ին առաջին անգամ պաշտոնական այցով մեկնում է Հնդկաստան՝ հույս ունենալով վերականգնել երբեմնի անկայուն հարաբերությունները։ Արտասահմանյան ուղևորության շրջանակում Քարնին նաև կմեկնի Ավստրալիա և Ճապոնիա։ «Արմենպրես»-ի փոխանցմամբ՝ այս մասին հաղորդում է Reuters-ը։
Կանադայի արտաքին գործերի նախարարը նշել է, որ Քարնին նախ կայցելի Մումբայ, որտեղ կհանդիպի գործարար առաջնորդների հետ և կսկսի բանակցություններ համապարփակ առևտրային համաձայնագրի շուրջ, որը նախատեսվում է ավարտին հասցնել մինչև նոյեմբեր։
Նախատեսվում է Քարնիի այցը նաև Նյու Դելի՝ վարչապետ Նարենդրա Մոդիի հետ բանակցություններ վարելու համար։
Reuters-ը նշում է, որ Քարնին ձգտում է ավելի սերտ կապեր հաստատել Չինաստանի և Մերձավոր Արևելքի երկրների, ինչպես նաև Հնդկաստանի հետ՝ այդպիսով փորձելով նվազեցնել Կանադայի կախվածությունը Միացյալ Նահանգներից, և ստեղծել նոր համաշխարհային առևտրային կարգ, որը կգլխավորեն այն երկրները, որոնք նա անվանում է «միջին տերություններ»։
«Սա գործուղում է, որի նպատակն է տնտեսության աճը՝ կանադացիներին ավելի մեծ տնտեսական ինքնիշխանություն տալու համար»,- ասել է Կանադայի գործարար խորհրդի նախագահ Գոլդի Հայդերը՝ այս մոտեցումն անվանելով նախկին վարչապետ Ջասթին Թրյուդոյի ժամանակաշրջանից էական տեղաշարժ։
Կանադայի և Հնդկաստանի միջև հարաբերությունները սրվել էին մի քանի տարի առաջ՝ այն բանից հետո, երբ այն ժամանակվա վարչապետ Ջասթին Թրյուդոն Հնդկաստանի կառավարությանը մեղադրել էր Կանադայի քաղաքացու սպանության հետ առնչության համար: 2023 թ. հունիսին Կանադայի Բրիտանական Կոլումբիայի նահանգում սպանված Հարդիփ Սինգհ Նիջարը նաև հայտնի սիկհ անջատողական էր։ Հնդկաստանը բազմիցս հերքել է իր առնչությունը Նիջարի սպանությանը։
Հնդկաստանից հետո Քարնին կայցելի Ավստրալիա, որտեղ ելույթ կունենա խորհրդարանում և կքննարկի ռազմական, առևտրային և պաշտպանական հարաբերությունները:
Այնուհետև Քարնին կմեկնի Ճապոնիա և վարչապետ Սանաե Տակաիչիի հետ կքննարկի ավտոմեքենաների, էներգետիկայի և կարևորագույն հանքանյութերի առևտրի խթանման հարցը։
Ըստ Global News պարբերականի՝ Քարնիի այցը կտևի 10 օր։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Ֆրանսիայում անտառային հրդեհների հետևանքով մոտ 10 հազար մարդ է տարհանվել
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Զելենսկին հայտարարել է, որ պատերազմի ելքը որոշելու է «երկինքը», և Պուտինին սպառնացել է Մոսկվա ուղարկ...
Դատախազությունը միջնորդագիր է ներկայացրել «Սևան» ազգային պարկ» ՊՈԱԿ-ին՝ Սևանա լճի ափամերձ՝ 3100 քմ մ...
Սևանում բախվել է 4 մեքենա․ կան վիրավnրներ
Իշխանությունն իր արտաքին հովանավորներից ստացել է ազդանշան՝ անցնելու ագրեսիվ քաղաքական գործողությունն...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է