Ինչու՞ չհրապարակվեց ԱՄՆ պատվերով հարցումը Հայաստանում. Փաշինյանի վիճակը աղետալի է

Politik.am-ը գրում է.

2026 թվականի հունիսին կայանալիք խորհրդարանական ընտրություններին ընդառաջ Հայաստանի քաղաքական դաշտը կարող է հայտնվել սկանդալի կենտրոնում, որը կապված է Միջազգային հանրապետական ինստիտուտի (IRI) պատվերով արված սոցիոլոգիական հարցման արժանահավատության հետ: Համաձայն մեր խիստ հավաստի տեղեկությունների՝ անցյալ տարվա վերջին կազմակերպության կողմից անցկացված վերջին լայնածավալ հարցման արդյունքները լուրջ շփոթմունք են առաջացրել գործող իշխանության արևմտյան համակարգողների մոտ:

Հարցման տվյալները, անակնկալի են բերել պատվիրատուներին, ցույց տալով Նիկոլ Փաշինյանի նկատմամբ վստահության աղետալի անկման մեջ գտնվելը: Ըստ աղբյուրի՝ նրա վարկանիշը, չնայած վերջին մեկ տարվա տարատեսակ քարոզչական ակտիվությանը, գրեթե չի աճել, մնալով իշխանության համար կատաստրոֆիկ ցածր, իսկ հակավարկանիշը դարձել է բացարձակ: Հատկանշական է, որ նույնիսկ այն դեպքում, երբ մոդելավորվել է իրավիճակ, երբ հիմնական ընդդիմադիրները, ինչպիսիք են Ռոբերտ Քոչարյանը կամ Սամվել Կարապետյանը, չեն մասնակցում ընտրություններին, հարցվողների գերակշիռ մեծամասնությունը հրաժարվել է, որևէ պարագայում քվեարկել գործող վարչապետի օգտին:

Նման բացասական արդյունքները, որոնք հարցականի տակ են դնում «արևմտամետ վեկտորի» լեգիտիմությունը, չափազանց անցանկալի էին ամերիկյան կողմի համար, հատկապես ԱՄՆ փոխնախագահ Ջեյ Դի Վենսի՝ տարածաշրջան կատարած վերջին այցի համապատկերում: Այդ պատճառով որոշում է կայացվել չհրապարակել իրական թվերը, մինչ հասկանան ինչ է հնարավոր անել:
Մեր աղբյուրը նշում է, որ վերջերս այդ զեկույցը ենթարկվել է «սրբագրման». թվերն արհեստականորեն ուռճացվել են՝ Փաշինյանին որպես անցողիկ առաջնորդ ներկայացնելու համար, ով մրցակիցներից առաջ է անցնում «մի քանի անգամ»: Որպես նման «աճի» արդարացում, քարոզչական դաշտում, նախատեսվում է օգտագործել Վենսի այցի և խոստացված ներդրումային ծրագրերի մեդիա էֆեկտը:

Նման կեղծիքի նպատակն ակնհայտ է՝ բնակչության շրջանում հուսահատության զգացում սերմանելը: «Նա միևնույն է հաղթելու է» թեզը նպատակ ունի առաջացնել զանգվածային անտարբերություն և քաղաքացիների չմասնակցություն ընտրություններին, ինչը թույլ կտա իշխանությանը պահպանել դիրքերը նույնիսկ նվազագույն աջակցության պայմաններում: