Ադրբեջանը Հայաստանին ներքաշո՞ւմ է Իրանի դեմ պատերազմ
Ադրբեջանի արտգործնախարարությունը X-ի իր էջում երախտագիտություն է հայտնել իրանական անօդաչու սարքերի հարձակումներից հետո Ադրբեջանի ինքնիշխանությանն աջակցելու համար:
«Մենք բարձր ենք գնահատում Ադրբեջանի հետ ցուցաբերված համերաշխությունը, ինչպես նաև մեր երկրի ինքնիշխանությանը, տարածքային ամբողջականությանն ու սահմանների անձեռնմխելիությանն ուղղված աջակցության բացահայտ հաստատումը: Շնորհակալություն ենք հայտնում բոլոր այն երկրներին և միջազգային կազմակերպություններին, որոնք այս ժամանակահատվածում համերաշխություն են դրսևորել Ադրբեջանի հետ, և բարձր ենք գնահատում նրանց մշտական աջակցությունն ու գործակցությունը»,- ասված է Արտաքին գործերի նախարարության հաղորդագրության մեջ:
Ադրբեջանի տարածած հաղորդագրության մեջ երկու տասնյակ երկրների դրոշներ են, վերջինը՝ ՀՀ պետական դրոշն է։ Հիշեցնենք, մարտի 5-ին Հայաստանի ԱԳ նախարար Արարատ Միրզոյանը հեռախոսազրույց էր ունեցել Ադրբեջանի ԱԳ նախարար Ջեյհուն Բայրամովի հետ: Նախարարները մտքեր էին փոխանակել տարածաշրջանում վերջին զարգացումների շուրջ։
Կողմերը մտահոգություն էին հայտնել և նշել էին լարվածության հետագա սրմանը միտված գործողություններից զերծ մնալու կարևորությունը՝ ընդգծելով կայունության և անվտանգության ապահովման անհրաժեշտությունը։ Իսկ Ադրբեջանը, որը վերջին օրերին Իրանի հետ հստակ առճակատման նախադրյալներ է ստեղծում, Հայաստանին էլ է փորձում ներքաշել հակաիրանական սադրանքի մեջ։ Պաշտոնական Երևանն էլ իր վարքով նպաստում է Բաքվի գործողություններին։ Հայաստանը, իհարկե, չի հերքել և չի էլ հերքի Ադրբեջանին հայտնած համերաշխությունը, բայց դրանից տուժելու է միայն հայ-իրանական բարեկամությունը՝ դրանից բխող բոլոր հետևանքներով։
Աննա Մարգարյան
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է