Ինչ զարգացումներ տեղի ունեցան վերջին օրերին Ադրբեջանի և Իրանի միջև, ու ինչպես մեզ կրկին օգտագործեցին. Էդմոն Մարուքյան
Էդմոն Մարուքյանը տելեգրամյան իր ալիքում գրում է.
Վերհիշենք, թե ինչ զարգացումներ տեղի ունեցան վերջին օրերին Ադրբեջանի և Իրանի միջև, ու ինչպես մեզ կրկին օգտագործեցին
Նախ՝ Ալիևը այցելեց Ադրբեջանում Իրանի դեսպանատուն և ցավակցություն հայտնեց Գերագույն առաջնորդի մահվան կապակցությամբ։
Դրանից հետո՝ մարտի 5-ին, ադրբեջանական ԶԼՄ-ները հայտնեցին, թե իբր «Իրանից արձակված ԱԹՍ-ները ընկել են Նախիջևանի տարածքում»։
Ադրբեջանից հնչեցին շատ սուր հայտարարություններ Իրանի հասցեին։ Անվտանգության խորհրդի արտակարգ նիստի ժամանակ Ալիևը հայտարարեց, որ «Նախիջևանի ուղղությամբ իրանական անօդաչու սարքերի հարվածը» որակում է որպես ահաբեկչություն Ադրբեջանի դեմ։
Իրանի Զինված ուժերի գլխավոր շտաբը, ԱԳՆ-ն և Բաքվում Իրանի դեսպանատունը պաշտոնապես հերքեցին տարածվող տեղեկությունները։
Ադրբեջանը փակեց Իրանի հետ հարակից օդային սահմանը՝ Նախիջևանի օդանավակայանում տեղի ունեցած միջադեպից հետո։ Ամբողջությամբ դադարեցվեց նաև բեռնատարների տեղաշարժը Ադրբեջանի և Իրանի միջև՝ պետական սահմանի բոլոր անցակետերով։
Այնուհանդերձ, Ադրբեջանը աշխարհի տարբեր պետություններից աջակցության զանգեր խնդրեց և ստացավ, այդ թվում՝ Հայաստանից։ Մեր երկրի դրոշը օգտագործվեց հակաիրանական գրառման մեջ։
Կիրակի օրը՝ մարտի 8-ին Ալիևը հեռախոսազրույց ունեցավ Իրանի նախագահի հետ, որի ընթացքում Փեզեշքյանը վերահաստատեց, որ Իրանի կողմից Ադրբեջանի նկատմամբ հարձակում չի եղել։
Նախագահների զրույցից հետո Ադրբեջանը բացեց սահմանը բեռնատարների համար։ Իսկ այսօր արդեն Իլհամ Ալիևի հանձնարարությամբ հումանիտար օգնություն է ուղարկվել Իրանի Իսլամական Հանրապետություն։
Վերոնշյալ իրադարձությունների շղթան հստակ ցույց է տալիս, թե ինչպես մի քանի օրվա ընթացքում Ադրբեջանը Հայաստանին ներքաշեց հակաիրանական արշավի մեջ, այնուհետև վերադասավորվեց և այժմ հանդես է գալիս որպես Իրանի բարեկամ պետություն։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է