ՔՊ-ական Ռ. Ռուբինյանը կրկին խոսեց. ցավոք, այս մարդիկ նորմալ համակեցության կանոններ, մարդավայել խաղի նորմեր չեն պատկերացնում․ ստիպված պատասխանում եմ․ Արման Աբովյան

1. Արցախ չի հանձնել

2. Ադրբեջանական զորքը Ջերմուկի գլխին և Հայաստանի տարածքներ չի թողել

3. Հինգ հազար զոհ չի տվել, մի ամբողջ սերունդ չի զոհաբերել

4. Իրար դեմ չի թշնամացրել մի ամբողջ ժողովուրդ

5. Թուրքերի պատվերով չի կազմակերպել հարձակումներ Հայ առաքելական եկեղեցու դեմ

6. Հազարավոր հայ տղերքի սպանած Ալիևին չի ասել շնորհակալություն։

7. Մեր քաղաքներն ու գյուղերը ոչնչացնող Ալիևին, Ամարասն ու Գանձասարը գոմ սարքող Ալիևին՝ չի ասել շնորհակալություն։

8. Էնվեր Փաշայի հոգին փառավորող էրդողանի իշխանությունից նախընտրական աջակցություն չի ստացել

9. 300 հազար ադրբեջանցիների « վերադարձ» Հայաստան չի խոստացել

10. ....Այս իշխանության մնացած ձեռքբերումների թվարկումը թողում են Ռ. Ռուբինյանին։

 

Մեր ուզածը մեկ բան է. ձևավորել նոր իշխանություն, որը Ալիևին շնորհակալություն ասելու փոխարեն՝ արժանապատիվ կբանակցի բարդ խնդիրները խաղաղ լուծելու համար՝ երաշխավորված խաղաղություն ստանալու համար։

 

Մեր ուզածը Թուրքիայի հետ և բոլոր հարևանների հետ հարաբերությունների արժանապատիվ կարգավորումն ու փոխշահավետ առաջընթացն է։

 

Մեր ուզածը՝ այո, Ռուսաստանի, ԱՄՆ-ի, ԵՄ-ի, Բելառուսի, Չինաստանի, Իրանի, Հնդկաստանի և բոլոր բոլորի հետ, ովքեր մեզ բարեկամ են համարում փոխշահավետ, երկարաժամկետ-խորքային համագործակցությունն է, որի արդյուքնում մեր երկիրը կունենա երաշխավորված խաղաղություն և մեր ժողովուրդը կունենա բարեկեցիկ կյանք։

 

Դիմում եմ Ռ. Ռուբինյանին. Քո պոռթկման պատճառը հասկանալի է. վերջին սոցհարցման թվերն ու ձեր հանդեպ հանրային տրամադրություններն են ստիպել քեզ այդ տեքստը արտաբերել։ Բայց ուղիղ հարց ունեմ. Ռուսաստանի և Բելառուսի հետ նորմալ հարաբերություններ ունենալն է ամոթ, թե՞ քեզ սպանած-մորթած, քո քաղաքներն ու գյուղերը ավերած Ալիևին օր ու մեջ շնորհակալություն ասելը։ Շնորհակալություն ի՞նչի համար։