ԱՄՆ-ն առաջին անգամ նոր հրթիռ է կիրառել Իրանի դեմ գործողության ժամանակ. The New York Times

ԱՄՆ-ն Իրանի դեմ գործողության սկզբում առաջին անգամ կիրառել է փոքր հեռահարության PrSM բալիստիկ հրթիռ. այն խոցել է երկրի հարավում գտնվող Լամարդ քաղաքի մարզասրահը և դպրոցը:«Արմենպրես»-ի փոխանցմամբ՝ այս մասին գրում է The New York Times թերթը՝ հղում անելով ռազմական փորձագետների և հարվածի վայրից ստացված պատկերների վերլուծությանը։

Նշվում է, որ պարբերականը ստուգել է Լամարդում երկու հարվածների տեսանյութը, ինչպես նաև հարվածների հետևանքների նկարահանումները։ The New York Times-ի լրագրողներն ու սպառազինությունների գծով փորձագետները հայտնաբերել են, որ զենքի առանձնահատկությունները, պայթյունները և ավերածությունները համապատասխանում են «Գերճշգրիտ հարվածային հրթիռ» (Precision Strike Missile) կամ PrSM անվանմամբ փոքր հեռահարության բալիստիկ հրթիռին, նշվում է հրապարակման մեջ։