1 մլն 105 հազար դրամի ավիատոմսեր՝ համայնքի բյուջեից․ Արգիշտի Մեխակյանը չի հրապարակել մանրամասներ. «Ժողովուրդ»
«Ժողովուրդ» օրաթերթը գրում է. «Վաղարշապատ խոշորացված համայնքի ղեկավար, ՔՊ ներկայացուցիչ Արգիշտի Մեխակյանի գլխավորած պատվիրակության համար համայնքային բյուջեից ձեռք են բերվել 1 մլն 105 հազար դրամի ավիատոմսեր՝ դեպի Սանկտ Պետերբուրգ։ Տոմսերի գնման վերաբերյալ տվյալները հրապարակվել են պետական գնումների հարթակում, ըստ որի՝ գնումը կատարվել է փետրվարի 2-ին։
Համաձայն առկա տեղեկությունների՝ գործուղմանը մասնակցել է 5 հոգուց բաղկացած պատվիրակություն։ Սակայն Վաղարշապատի համայնքապետարանի պաշտոնական կայքում և տեղեկատվական հարթակներում այցի նպատակի, արդյունքների կամ ծրագրի վերաբերյալ տեղեկատվություն չի հրապարակվել։
Համայնքային բյուջեի միջոցներով իրականացվող գործուղումների դեպքում ընդունված պրակտիկա է՝ հանրությանը ներկայացնել այցի հիմնավորումը, հանդիպումների շրջանակը և ակնկալվող արդյունքները՝ ապահովելով հաշվետվողականություն և թափանցիկություն։
Տվյալ դեպքում, չնայած զգալի ծախսին, հանրությանը հասանելի տեղեկատվություն չկա, թե ինչ նպատակով է իրականացվել Սանկտ Պետերբուրգ այցը, ինչ հանդիպումներ են տեղի ունեցել և ինչ արդյունքներ են արձանագրվել համայնքի համար։
Հատկանշական է, որ հանրային միջոցների օգտագործման թափանցիկությունը հանդիսանում է տեղական ինքնակառավարման մարմինների գործունեության կարևոր բաղադրիչ, հատկապես այն դեպքերում, երբ խոսքը վերաբերում է արտասահմանյան գործուղումներին։
Այս փուլում բաց է մնում հարցը՝ ինչ արդյունք է ակնկալվել 1 մլն դրամից ավելի արժեք ունեցող այցից, և ինչ օգուտ է այն բերել Վաղարշապատ համայնքին»։
Մանրամասները՝ «Ժողովուրդ» օրաթերթի այսօրվա համարում:
25/22 Երկուսով են քվեախցիկում
Կախվածություն սահմանափակ թվով ընկերություններից. ի՞նչ նկարագիր ունի Հայաստանի տնտեսությունը. «Փաստ»
...
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Ահազանգ․ Տիգրանաշենի խաղահրապարակի վերակահավորման համար «Ուժեղ Հայաստանին» դատի տալու սպառնալիք են հ...
ՔՊ-ն քաղաքացիներին զրկում է քվեարկելու իրավունքից. Մենուա Սողոմոնյան
Անհավասար պայքարի հետքերով. ի՞նչ արձանագրեցին վերջին ՏԻՄ ընտրությունները. «Փաստ»
ԱԺ «Ուժեղ Հայաստան» խմբակցության պատգամավոր Վրույր Այվազյանը քվեարկել է
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Ժողովուրդն այս ներկայացմանը չի՛ հավատում․ Հայաստանը պետք է ուժեղ լինի. Գնա՛ և քվեարկի՛ր. Անդրանիկ Գ...
Մեր տոկունությունը, պատրաստվածությունն ու վճռականությունն անկոտրում են. Գնացե՛ք քվեարկելու. Գառնիկ Դ...