Իրանում և տարածաշրջանում պատերազմի հետևանքով զոհերի թիվը գերազանցել է 5000-ը
Իրանի դեմ փետրվարի 28-ին ԱՄՆ-ի և Իսրայելի նախաձեռնած պատերազմում զոհերի թիվը գերազանցել է 5000-ը՝ ըստ տարբեր գործակալությունների կողմից հավաքագրված տեղեկությունների, որոնք հրապարակել է Reuters գործակալությունը։
Իրան – 3519 զոհ
«Արմենպրես»-ի փոխանցմամբ, ԱՄՆ-ում գործող HRANA իրավապաշտպան խումբը հայտնում է, որ զոհերից 1598-ը քաղաքացիական անձինք են, այդ թվում՝ առնվազն 244 երեխա։
Կարմիր խաչը և Կարմիր մահիկը մարտի 27-ին հայտարարել են, որ Իրանում ամերիկա-իսրայելական հարվածների հետևանքով մինչ օրս զոհվել է առնվազն 1900 մարդ, իսկ 20000-ը՝ վիրավորվել են։ Սակայն պարզ չէ, թե արդյոք այդ թվերը ներառում են առնվազն 104 մարդու, որոնք զոհվել են մարտի 4-ին Շրի Լանկայի մոտ իրանական ռազմանավի վրա ԱՄՆ-ի հարձակման ժամանակ։
Լիբանան – 1318 զոհ
Լիբանանի պաշտոնյաների խոսքով՝ զոհերից 124-ը երեխաներ են։ Իսրայելը մարտի 2-ից հարվածներ է հասցրել Լիբանանին, այդ ժամանակվանից ի վեր «Հեզբոլլահ»-ի ավելի քան 400 մարտիկ է սպանվել։
Հայտնի է նաև, որ առնվազն ինը լիբանանցի զինվոր է սպանվել, իսկ Ինդոնեզիայից ժամանած ՄԱԿ-ի երեք խաղաղապահներ զոհվել են առանձին միջադեպերի ժամանակ։
Իրաք – առնվազն 107 զոհ
Իրաքի առողջապահական մարմինները հայտնում են, որ այդ թիվը ներառում է քաղաքացիական անձանց, Իրանի հետ կապված շիաների ժողովրդական մոբիլիզացիայի ուժերի անդամներին, ԱՄՆ-ի դաշնակից քրդական փեշմերգայի մարտիկներին, ոստիկանության և բանակի ներկայացուցիչների։ Նաև հայտնի է դեպք ահաբեկչության դեմ պայքարի դասընթացներ անցկացնող ֆրանսիացի զինվորի՝ անօդաչու թռչող սարքի հարձակման ժամանակ զոհվելու վերաբերյալ։
Իսրայել – 19 զոհ
Իսրայելի շտապօգնության ծառայությունը հայտնում է, որ Իրանից և Լիբանանից Իսրայելի ուղղությամբ արձակված հրթիռների հետևանքով զոհվել է 19 մարդ։ Իսրայելական բանակը նաև հայտնում է, որ իր զինվորներից 10-ը սպանվել է Լիբանանի հարավում։
Միացյալ Նահանգներ – 13 զոհ
Իրաքում ԱՄՆ ռազմական վառելիքով լիցքավորող ինքնաթիռի վթարից հետո հաստատվել է վեց զինծառայողի մահը։ ԱՄՆ զինված ուժերը հայտարարել են, որ Իրանում գործողությունների ժամանակ զոհվել է ևս յոթ մարդ։
Մահվան դեպքեր տարածաշրջանում
Մահվան դեպքեր են գրանցվել նաև Արաբական Միացյալ Էմիրություններում (11), Կատարում (7), Քուվեյթում (7), Արևմտյան ափին (4), Սիրիայում (4), Բահրեյնում (2), Օմանում (2) և Սաուդյան Արաբիայում (2):
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է