Ինչո՞ւ է հետաձգվել ամերիկյան պատվիրակության այցը Հայաստան
«Foreign Policy» հեղինակավոր պարբերականը հայտնում է, թե TRIPP նախագծի շրջանակում տարածքի ուսումնասիրման նպատակով ամերիկյան ընկերության ներկայացուցիչների այցը հետաձգվել է՝ Իրանի հետ պատերազմի պատճառով։ Պարբերականին այդ մասին ասել են երևանյան աղբյուրները։ «Իրանի նկատմամբ ԱՄՆ նախագահ Դոնալդ Թրամփի վարած քաղաքականությունը կարող է վտանգել Հայաստանի և Ադրբեջանի միջև ձեռք բերված միակ հաջողված խաղաղության համաձայնագիրը։
Ըստ պարբերականի՝ նախորդ տարի Թրամփին հաջողվեց նոր թափ հաղորդել երկարամյա հակառակորդների միջև խաղաղության գործընթացին և հասնել դիվանագիտական մեծ առաջընթացի։ Թրամփի կողմից խաղաղության հաստատմանն ուղղված և լայնորեն գովազդվող համաշխարհային ջանքերի ֆոնին սա իրական հաղթանակ էր։ «Սակայն այժմ Իրանում Թրամփի սկսած պատերազմի հետևանքները սպառնում են տապալել Կովկասում նրա ձեռքբերումները։ Թե՛ Հայաստանի, թե՛ Ադրբեջանի պաշտոնյաները մտահոգություն են հայտնում, որ արտաքին քաղաքականության հարցերով Թրամփի վստահված անձանց նեղ շրջանակն այլևս չի կենտրոնանում այս տարածաշրջանի վրա։ Նույնիսկ հայտարարված հրադադարի պայմաններում Սպիտակ տունը դեռ որոշ ժամանակ կենտրոնացած է մնալու Իրանի վրա։ Արդյունքում՝ Կովկասում խաղաղության հասնելու թափը կարող է կորսվել»,– գրել է «Foreign Policy»-ն։
Սկանդալային այս հրապարակումից հետո ԱՄՆ պետքարտուղարությունը փորձել է հանգստացնել կողմերին՝ նշելով, թե TRIPP-ը շարունակում է մնալ Միացյալ Նահանգների առաջնահերթություններից մեկը։ «TRIPP-ը շարունակում է մնալ Միացյալ Նահանգների առաջնահերթություններից մեկը, քանի որ այն ունի Հարավային Կովկասում և դրանից դուրս խաղաղությունն ու բարեկեցությունը խթանելու ներուժ։ Թրամփի վարչակազմը շարունակում է հավատարիմ մնալ TRIPP-ը իրականություն դարձնելու հանձնառությանը»,– նշել է ԱՄՆ պետդեպարտամենտի խոսնակը։
Այդուհանդերձ, այլևս ակնհայտ է, որ «Թրամփի ուղու» հետագա ճակատագիրը խիստ վտանգված է․ տարածաշրջանում Իրանի դիրքերը ոչ թե նվազել, այլ ամրապնդվել են, իսկ Թեհրանը կտրուկ դեմ է TRIPP նախագծին։ Ղազախստանի երկու նախարարների՝ երեկ Հայաստան այցն էլ, ըստ էության, նպատակ ուներ հասկանալ, թե ինչ է լինելու հավակնոտ, բայց անիրականանալի այս նախագծի հետ։
Աննա Մարգարյան
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
Իշխանությունն իր արտաքին հովանավորներից ստացել է ազդանշան՝ անցնելու ագրեսիվ քաղաքական գործողությունն...
Սևանում բախվել է 4 մեքենա․ կան վիրավnրներ
Իրավապահները «Վերածնունդ» հուշահամալիրից գերեզմանոց տանող ճանապարհին ձերբակալել են թմրանյութ տեղադրո...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է
«Ժողովուրդ». 13-ժամյա խուզարկությունից հետո ինչո՞ւ է Արթուր Պողոսյանը ցուցադրում 70-ամյա Ծառուկյանի ...
Զելենսկին հայտարարել է, որ պատերազմի ելքը որոշելու է «երկինքը», և Պուտինին սպառնացել է Մոսկվա ուղարկ...