Վրաստանում լրտեսության մեղադրանքով բարձրաստիճան պաշտոնյա է ձերբակալվել
Պետական անվտանգության ծառայության հաղորդմամբ, վերջին մի քանի ամսվա ընթացքում ինտենսիվորեն իրականացված միջոցառումների արդյունքում, լրտեսության, օտարերկրյա հատուկ ծառայության հանձնարարությամբ տեղեկատվության հավաքագրման և փոխանցման մեղադրանքով ձերբակալվել է Վրաստանի քաղաքացի:
Ձերբակալվածը պետական կառույցներից մեկում բարձր պաշտոն էր զբաղեցնում:
«Տարբեր, այդ թվում՝ գաղտնի քննչական գործողությունների արդյունքում ձեռք բերված ապացույցներով հաստատվում է, որ պետական կառույցներից մեկում բարձր պաշտոն զբաղեցնող հանրային ծառայողը, ի վնաս երկրի շահերի, օգտագործելով իր ներկայիս ծառայողական դիրքը, նախկինում զբաղեցրած պաշտոնը և տարբեր գերատեսչություններում ունեցած անձնական կապերը, ի շահ օտարերկրյա հատուկ ծառայությունների, պարբերաբար իրականացրել է տեղեկատվության հայթայթում և փոխանցում նրանց:
Ձերբակալվածը օտարերկրյա հատուկ ծառայության ներկայացուցչի հետ ունեցել է բարձր մակարդակով կազմակերպված կոնսպիրատիվ բնույթի պարբերական շփումներ, հանդիպումները ծրագրվում էին վերծանված, երկկողմանի կապի կիրառմամբ և անցկացվում էին տարբեր վայրերում՝ նախապես համաձայնեցված պայմանների խիստ պահպանմամբ: Տեղեկատվության տրամադրումն իրականացվում էր ինչպես դեմ առ դեմ շփման, այնպես էլ էլեկտրոնային միջոցների կիրառմամբ:
Օտարերկրյա հատուկ ծառայությանը փոխանցված տեղեկատվությունը ներառում էր տարբեր կատեգորիաների գաղտնի տվյալներ, որոնք կապված էին Վրաստանում ընթացող քաղաքական-տնտեսական գործընթացների, ուժային կառույցներում և անվտանգության ստորաբաժանումներում տիրող իրավիճակի հետ, տեղեկություններ էթնիկ և կրոնական փոքրամասնությունների մասին և տեղեկատվության փոխանցման պատվիրատուներին հետաքրքրող այլ տվյալներ: Ձեռք բերված ապացույցներով հաստատվել է նաև, որ ձերբակալված անձը, օտարերկրյա հատուկ ծառայության ներկայացուցչի հանձնարարությամբ, աշխատել է նաև տեղեկատվական հարթակների ստեղծման ուղղությամբ, որոնց նպատակն էր մեդիա ոլորտի ներկայացուցիչների ներգրավումը և նշված ցանցի կիրառմամբ օտարերկրյա հատուկ ծառայության հետաքրքրություններին համապատասխան հետախուզական բնույթի տեղեկատվության հայթայթումը, այդ թվում՝ տարածաշրջանի երկրների ուղղությամբ» — հայտնել են ՊԱԾ-ից:
Գերատեսչության տեղեկությամբ՝ «նշված գործունեությունը մեղադրյալն իրականացնում էր նյութական օգուտ ստանալու նպատակով»: Գործով քննությունն ընթանում է քրեական օրենսգրքի 314-րդ հոդվածի առաջին մասով, ինչը նախատեսում է 8-ից 12 տարի ժամկետով ազատազրկում:
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է