ԶՊՄԿ-ն շարունակում է բաց հանքում և արտադրական տարածքում ընդունել հանքարդյունաբերությամբ հետաքրքրված խմբերի

 Ընկերությունը հատուկ ուշարդություն է դարձնում կրթական ոլորտին. ԲՈՒՀ-երի և դպրոցների ներկայացուցիչները հանքի հիմնական այցելուներն են: ԶՊՄԿ-ն կարևորում է երիտասարդ սերնդի հետ շփումը, այցերը թույլ են տալիս ավելի լավ պատկերացում կազմել հանքարդյունաբերության վերաբերյալ, ինչպես նաև օգնում են մասնագիտական կողմնորոշման հարցում:

 Մեր հերթական հյուրերը «Մխիթար Սեբաստացի» կրթահամալիրի սաներն էին: Ավագ դպրոցի աշակերտները Սյունիքում էին հայրենագիտական, բնապահպանական ծրագրով, և առաջին կանգառը հենց ԶՊՄԿ-ում էր: Համապատասխան հրահանգավորումը ստանալուց հետո այցելել են բաց հանք, ծանոթացել աշխատանքին, ապա շրջել նաև ֆաբրիակյում, որտեղ նրանց ներկայացվել է հանքաքարից խտանյութ ցիկլի ողջ ընթացքը:

 ԶՊՄԿ-ն բաց է բոլորի համար, ուստի նման ֆորմատով այցերը հաճախակի բնույթ են կրում:

 «Մխիթար Սեբաստացի» կրթահամալիրի սաները այցից հետո պատրաստել են նաև անհատական աշխատանքներ, կիսվել իրենց տպավորություններով և ստացած գիտելիքներով: Աշակերտների աշխատանքներին կարող եք ծանոթանալ մեկնաբանություններում առկա հղումով: