Մոտ 600․000 հայաստանցի աղքատ է, հացի խնդրով է ապրում․ Նարեկ Կարապետյան

«8 տարի առաջ ժողովրդի միաձայն աջակցությամբ Նիկոլ Փաշինյանը դարձավ վարչապետ՝ այն հույսով, որ բարեկեցություն է բերելու, խաղաղություն Հայաստանին և Արցախին։ 8 տարվա ընթացքում նա խոստացել է, որ մարդիկ սկսելու են լավ ապրել և անվտանգ։ Անցել է 8 տարի, գրեթե բան չի փոխվել, միայն մեր երկիրն է փոքրացել»,- լրագրողների հետ զրույցում ասել է «Ուժեղ Հայաստան» կուսակցության խորհրդի անդամ Նարեկ Կարապետյանը։

Նրա խոսքով՝ հեղափոխությունից հետո շահել է միայն մի խմբակ՝ ՔՊ-ն, իսկ մարդիկ ինչին հասել են, հասել են իրենց աշխատանքի շնորհիվ, պետությունը դրանում որևէ մասնակցություն չունի։

«Ամեն 5-րդ հայաստանցի ապրում է աղքատության մեջ։ Սա պաշտոնական տվյալ է։ Ստացվում է՝ մոտ 600․000 հայաստանցի աղքատ է, հացի խնդրով է ապրում»,- ընդգծել է Կարապետյանը։