Մենք ձեզ հետ պետք է Սևանա լիճը դարձնենք մեծ տնտեսական գործունեություն ունեցող հիմնարկ. Սամվել Կարապետյանը` Գեղարքունիքի մարզի բնակիչների հետ հանդիպմանը

«Ամբողջ աշխարհում, օրինակ՝ Նորվեգիայում գազի և նավթի հետ համարժեք տնտեսությանն օգնում ու զարգացնում է լասոսի արտադրությունը, իսկ լասոսի համար մաքուր ջրեր են պետք, ուրիշ ոչ մի բան պետք չէ։ Բայց այստեղ բացակայել է տնտեսական քաղաքականությունը, դրա համար մենք ունենալու ենք համակարգված մոտեցում, ստեղծելու ենք բիզնես ծրագրեր։ Ով հնարավորություն, ցանկություն և շնորհք ունի կարող է դրանով զբաղվել, իսկ մինչև չդառնան միջին կամ մեծ բիզնես, հարկ չեն վճարելու»,–իր տան բակում գեղարքունիքցիների հետ հանդիպմանն ասաց «Ուժեղ Հայաստան» կուսակցության վարչապետի թեկնածուն։