Նոր կրքեր «Պատանի երաժիշտների դասական Եվրատեսիլ» մրցույթի շուրջ. «Փաստ»
«Փաստ» օրաթերթը գրում է.
Մենք առիթ ունեցել ենք անդրադառնալու հունիսի 6-ին Երևանում կայանալիք «Պատանի երաժիշտների դասական Եվրատեսիլ» մրցույթին, մասնավորապես՝ Հայաստանի պատվիրակի ընտրությանը: Հիշեցնենք, որ 11 մասնակցից ժյուրին նախապատվությունը տվեց Ռուսաստանի Դաշնության քաղաքացի Էլեն Վիրաբյանին։
Շատերն են սա տարակուսելի համարում և հարց հնչեցնում՝ ինչո՞ւ Հայաստանում կրթություն ստացող և մեր երկրի քաղաքացի հանդիսացող երաժիշտը չպետք է ներկայացնի Հայաստանի Հանրապետությունը միջազգային մրցույթում։ Իհարկե, որևէ կերպ կասկածի տակ չի դրվում Էլենի մասնագիտական հմտությունները, անցած ճանապարհը, բայց արդյոք այս ընտրությունը բացասական ազդակ չէ Հայաստանում ապրող և իրենց ստեղծագործական ուղին իրենց հայրենիքում հարթող մասնակիցների համար։ Մյուս կողմից՝ ըստ մեր աղբյուրի, Էլենի հայրիկը, կարծես թե, ընկերական հարաբերություններ ունի ժյուրիի որոշ անդամների հետ։ Մյուս կողմից՝ տպավորություն է ստեղծվել, որ այս պարագայում Հայաստանի ազգային ֆիլհարմոնիկ նվագախմբի գեղարվեստական ղեկավար Էդուարդ Թոփչյանն է որոշում, թե ով պետք է մասնակցի այս միջազգային մրցույթին։
Մասնագիտական շրջանակների, նաև այլ մասնակիցների շրջանում հարցադրումներ կան, թե այսպիսի որոշմամբ արդյո՞ք կասկածի տակ չի դրվում հայաստանյան երաժշտական դպրոցը և դրա տված գիտելիքները՝ մի կողմից, և արդյո՞ք չի խրախուսվում արտերկրում բնակվելը և ուսանելը՝ մյուս կողմից։
Նշենք, որ մասնակիցները չորս փուլ են հաղթահարել, մինչ հայտնի է դարձել հաղթող մասնակցի անունը։ Փուլերից երկուսը Էլենը հաղթահարել է օնլայն տարբերակով։ Մեր զրուցակիցը ևս մեկ մտահոգություն է բարձրացնում։ Մրցույթի երրորդ փուլում՝ մինչ նվագախմբի հետ ելույթը, ժյուրիի կազմում չի եղել որևէ փողային գործիքի տիրապետող մասնագետ։ Նույնը տեղի է ունեցել նաև «Դեպի դասական Եվրատեսիլ» մրցույթի եզրափակչում։ Ժյուրիի կազմում ընդգրկված է եղել Հայաստանը «Պատանի երաժիշտների Եվրատեսիլ 2024»ում ներկայացնող հոբոյահար Հայկ Հեքեքյանը։
Հարցերը շատ են, պատասխանները՝ չգոհացնող։ Ընդ որում, հարցերը գնալով ավելի են շատանում: Ի վերջո, կրթության և մշակույթի ոլորտի պատասխանատուները պետք է վերահսկե՞ն այս անառողջ իրավիճակները, թե՞ շարունակվելու է այս ինքնագործունեությունը:
Մանրամասները՝ «Փաստ» օրաթերթի այսօրվա համարում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Ֆրանսիայում անտառային հրդեհների հետևանքով մոտ 10 հազար մարդ է տարհանվել
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Զելենսկին հայտարարել է, որ պատերազմի ելքը որոշելու է «երկինքը», և Պուտինին սպառնացել է Մոսկվա ուղարկ...
Դատախազությունը միջնորդագիր է ներկայացրել «Սևան» ազգային պարկ» ՊՈԱԿ-ին՝ Սևանա լճի ափամերձ՝ 3100 քմ մ...
Սևանում բախվել է 4 մեքենա․ կան վիրավnրներ
Իշխանությունն իր արտաքին հովանավորներից ստացել է ազդանշան՝ անցնելու ագրեսիվ քաղաքական գործողությունն...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է