Դավիթաշենում ժամերի ընթացքում գողը կամ գողերը նույն թաղամասում թալանել են 12 ավտոմեքենաներ
Մայիսի 11-ին ՀՀ ՆԳՆ ոստիկանության համայնքային ոստիկանության գլխավոր վարչության Դավթաշենի բաժնում կարելի է համարել «սև գիշեր», քանի որ այդ օրը մի քանի ժամվա ընթացքում Դավթաշենում թալանվել են 10-ից ավելի ավտոմեքենաներ ու զարմանալի է, որ մինչ այժմ ոստիկանության Դավթաշենի բաժնի ծառայողները՝ բաժնի պետ Զորիկ Ավդիշոևի գլխավորությամբ, չեն կարողանում կամ չեն ցանկանում գողության համատարած այս դեպքերը բացահայտեն։
Ինչպես հայտնում է ֆոտոլրագրող Գագիկ Շամշյանը, այդ օրը անհայտ անձը կամ անձինք Դավթաշեն 1-ին թաղամասում թալանել են 26-ամյա Ալեն Գ.-ին պատկանող «Range Rover», «Jeep», «Honda» մակնիշի ավտոմեքենաների կողային հայելիները։
Թալանել են նաև Դավթաշենում բնակվող 38-ամյա Վահե Ս.-ին պատկանող «Chery» մակնիշի ավտոմեքենայի զույգ կողային հայելիները։ Թալանել են նաև Դավթաշենի բնակիչներ 45-ամյա Արտյոմ Ն.-ին պատկանող «RAV» և 38-ամյա Ֆլորա Ն.-ին պատկանող «Toyota» մակնիշի ավտոմեքենաների կողային հայելիների ապակիները։
Նույն օրը թալանել են նաև Դավթաշենի բնակիչ 35-ամյա Ռազմիկ Մ.-ին պատկանող «Toyota» մակնիշի ավտոմեքենայի կողային հայելիների ապակիները։ Գողը կամ գողերը նույն օրը թալանել են նաև Դավթաշենի բնակիչ 37-ամյա Վարդուհի Ե․-ին պատկանող «Honda» մակնիշի ավտոմեքենայի կողային զույգ ապակիները։ Նույն օրը թալանել են նաև Դավթաշենի բնակիչ 39-ամյա Արթուր Հ․-ին պատկանող «Honda» մակնիշի ավտոմեքենայի կողային զույգ հայելիների ապակիները։ Նույն եղանակով թալանել են նաև Դավթաշենի բնակիչ 63-ամյա Հակոբ Գ.-ին պատկանող «Jeep» մակնիշի ավտոմեքենայի կողային զույգ հայելիների ապակիները։
Այդ օրը թալանել են նաև Դավթաշենի բնակիչ 35-ամյա Դիանա Դ.-ին պատկանող «Ford» մակնիշի ավտոմեքենայի զույգ կողային հայելիների ապակիները։ Նույն եղանակով թալանել են նաև Դավթաշենի բնակիչ 66-ամյա Սամվել Հ.-ին պատկանող «Ford» մակնիշի ավտոմեքենայի կողային հայելիները։
Բոլոր դեպքերի փաստով ոստիկանության Դավթաշենի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժին, որտեղ էլ գողություն և շորթում հատկանիշներով նախաձեռնվել է քրեական վարույթ։
Ֆոտոլրագրողի տեղեկություններով բոլոր թալանված ավտոմեքենաների վրա թողել են տելեգրամյան տարբեր հղումներ։
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
ՔՊ-ականներն ահաբեկում են անգամ անչափահասներին. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Իշխանությունների թիրախում են ակտիվ արցախցիները. «Հրապարակ»