SpaceX-ը պատմության մեջ ամենամեծ hրթիռի փորձնական թռիչք է իրականացրել

Իլոն Մասկի SpaceX ընկերությունը պատմության մեջ ամենամեծ և ամենահզոր հրթիռն է արձակել այն բանից հետո, երբ դրա երկար սպասված փորձնական թռիչքը հետաձգվել էր։ Այս մասին հայտնում է BBC-ն։

Անձնակազմ չունեցող Starship V3 հրթիռը Տեխասից վեր է սլացել ուրբաթ օրը՝ ժամը 17:30-ից անմիջապես հետո (Գրինվիչի ժամանակով՝ 22:30), մի քանի օր անց այն բանից, երբ SpaceX-ը բացահայտեց ֆոնդային բորսայում ռեկորդային նորամուտի (IPO) իր ծրագրերը։

Տիեզերքում հայտնվելուց հետո Starship-ը բաց է թողել 20 ուսումնական արբանյակներ, որից հետո վերադարձել է մթնոլորտ և արձակումից մոտ մեկ ժամ անց վայրէջք կատարել Հնդկական օվկիանոսում, որտեղ այն պայթել է՝ ինչպես և նախատեսված էր:

«Շնորհավորում եմ @SpaceX-ի թիմին Starship V3-ի էպիկական առաջին արձակման և վայրէջքի կապակցությամբ։ Դուք գոլ խփեցիք հանուն մարդկության»,- X-ում գրել է Մասկը

Հինգշաբթի օրը կայանալիք առաջին փորձնական արձակումը հետաձգվել էր մեկնարկային աշտարակի անսարքության պատճառով։