ԱՄՆ-ն պատրաստ է շարունակել ռուս-ուկրաինական հակամարտության կարգավորման ջանքերը. Ռուբիո
ԱՄՆ պետքարտուղար Մարկո Ռուբիոն հայտարարել է, որ հնարավոր է համարում մարտական գործողությունների էսկալացումը ռուս-ուկրաինական հակամարտության ընթացքում։ Նա նաև հայտարարել է, որ Վաշինգտոնը պատրաստ է շարունակել հակամարտության կարգավորման ջանքերը: «Արմենպրես»-ի փոխանցմամբ՝ այս մասին նա հայտնել է Հնդկաստանում լրագրողների հետ զրույցում:
«Բոլոր պատերազմներում վտանգն այն է, որ դրանք շարունակում են սրվել: Մեկն ուժեղ հարված է հասցնում, մյուսը պատախանում է, և այս ամենը շարունակվում է: Ահա թե ինչու հարկավոր է, որ այս պատերազմն ավարտվի», – նրա խոսքերն է փոխանցում ԱՄՆ պետքարտուղարությունը:
Ռուբիոն նշել է, որ ռուս-ուկրաինական հակամարտությունը շարունակվում է արդեն ավելի երկար, քան Երկրորդ համաշխարհային պատերազմը, և հարկավոր է դադարեցնել այն:
«ԱՄՆ-ն պատրաստ է անել հնարավոր ամեն բան՝ այդ պատերազմի ավարտին նպաստելու համար, և մենք հույս ունենք, որ նման հնարավորություն կստեղծվի որոշակի պահի», – ասել է նա։
Ռուբիոն հավելել է, որ այս պահին ակտիվ բանակցություններ չեն ընթանում Ուկրաինայի հետ, բայց Վաշինգտոնը միշտ պատրաստ է կառուցողական և օգտակար դեր կատարել, երբ դրա հնարավորությունը ստեղծվի:
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
Երևանում և մարզերում լույս չի լինի. հասցեներ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»