Փաշինյանը հունիսի 7-ից հետո որևէ որոշում կայացնել չի կարողանալու. Սամվել Կարապետյան

«Ուժեղ Հայաստան», դաշինքի առաջնորդը պատասխանել է Փաշինյանի սպառնալիքին, թե Սամվել Կարապետյանը չի կարողանալու երկար ժամանակ հեռանալ Հայաստանից և նա կալանավորվելու է լրտեսության համար։

Կարապետյանն ասել է, որ ինքը չի պատրաստվում հեռանալ Հայաստանից, պատրաստվում է աշխատել առաջիկա տարիներին հայ ժողովրդի համար, բայց թե որտեղ կգտնվի, որոշելու է անձամբ։ Նա նաև նշել է, որ Փաշինյանը հունիսի 7-ից հետո որևէ որոշում կայացնել չի կարողանալու, որովհետև իրենք են տոնելու հաղթանակ հունիսի 7-ից հետո։

«Ինքն ավելի ճիշտ կանի, որ երկար մտածի իր և իր խմբակի ապագայի մասին։ Ինչ վերաբերում է ադրբեջանցիների Հայաստան գալուն, մարդկանց թվում է՝ մենք դրանով քարոզարշավ ենք իրականացնում, մինչդեռ դա արդյունքն է այն հայտարարությունների, որ մենք ամեն օր լսում ենք Ալիևից ու իր օգնականներից։ Եթե չկա նման բան, ես առաջարկում եմ, թող Փաշինյանը վաղը առավոտյան հայտարարի, որ հունիսի 19-ին Նախիջևանում Ալիևը չի կարող անցկացնել փառատոն։ Մեր բոլոր անհանգստությունները նրանից են, որ այս մարդը չի կարողանում հակաճառել Ալիևին, հակաճառել բոլոր այն վտանգավոր հայտարարություններին մեր երկրի ու մեր ժողովրդի հասցեին։ Մենք դա չենք օգտագործում ձայներ հավաքելու համար», - ասել է Կարապետյանը։

Նա նաև հավելել է, որ ադրբեջանցիները չպետք է իրավունք ունենան սեփականություն ձեռք բերելու ՀՀ-ում, ասել է, նրանց տուրիստ գալու թեզը գցել են , սա հակադարձելու և մոնիպուլացնելու համար, Կարապետյմանն ասել է, որ մինչև երաշխավորված խաղաղության բոլոր հարցերը չլուծվեն ինքն անգամ դեմ է, որ ադրբեջանցիների մուտքին ընդհանրապես Հայաստան, թե տուրիստական տեսքով, թե գործ գայլերի տեսքով: