Արցախում կարկտահարությունը շարունակում է մնալ որպես ամենավտանգավոր եւ հավանական ռիսկերից մեկը. Պետնախարար
Արցախի Հանրապետության պետական նախարար Գրիգորի Մարտիրոսյանը մարտի 27-ին ընդունել է Հայաստանում կարկտապաշտպան ցանցեր արտադրող եւ տեղադրում իրականացնող «ՎԱԲԱՏԵՔՍ» ընկերության ներկայացուցիչներին:
Արցախի կառավարությունից հայտնում են, որ ողջունելով ներկաներին՝ պետական նախարարը նշել է, որ հակակարկտային միջոցները Արցախում գյուղատնտեսության զարգացման համար կարեւոր նշանակություն ունեն:
Գ. Մարտիրոսյանի խոսքով՝ անցած տարիներին այդ ուղղությամբ գործնական քայլեր են ձեռնարկվել, սակայն ներկայումս արդյունավետության բարձրացման խնդիր կա:
«Արցախում զարգացող գյուղատնտեսության եւ հատկապես ինտեսիվ եղանակով նոր այգիների հիմնադրման գործում կարկտահարությունը շարունակում է մնալ որպես ամենավտանգավոր եւ հավանական ռիսկերից մեկը: Այս առումով կարծում ենք, որ ձեր ունեցած փորձը եւ մասնագիտական խորհրդատվությունը անհրաժեշտ աջակցություն կլինի»,- իր խոսքում ասել է Գ. Մարտիրոսյանը:
Հանդիպման ընթացքում ընկերության պատասխանատուները ներկայացրել են առաջարկվող ծառայությունների առավելությունները եւ պատրաստակամություն հայտնել հնարավոր համագործակցության դեպքում ներգրավել նաեւ եվրոպացի մասնագետների:
Զրուցակիցները մտքեր են փոխանակել հակակարկտային ցանցի երաշխիքային ապահովության, եղանակային պայմանների նկատմամբ ունեցած դիմացկունության, տարաժամկետ փոխհատուցման եւ այլ տեխնիկական բնույթ կրող հարցերի շուրջ:
Հանդիպմանը մասնակցել են նաեւ գյուղատնտեսության նախարար Ժիրայր Միրզոյանը, «Գյուղի եւ գյուղատնտեսության աջակցության հիմնադրամ»- ի տնօրեն Տիգրան Ծատրյանը շրջանների վարչակազմերի ղեկավարները:
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»
Իշխանական «ցանցը» պետական ապարատում. ում մերձավորներն են ստացել ազդեցիկ պաշտոններ և միլիոններով աշխա...
«Մի քանի համայնքում տեղի ունեցած ընտրությունների արդյունքները չի կարելի ուղենիշ համարել քաղաքական վա...