Shame.am կայքի խմբագիրն անորոշ դեգերումների մեջ է

Կարեն Հակոբյանը  ֆեյսբուքյան իր էջում  գրում է

Shame.am կայքի գլխավոր խմբագիր և սեփականատեր Արտյոմ Խաչատրյանի մոտ կրկին գարնանային սրացումներ են: Ժամանակ առ ժամանակ, ինչ-որ իրավիճակներում ակտիվանում է, մարդկանց քննադատում, վիրավորում, զրպարտում է, որը բնականաբար լրագրողական էթիկայի կանոնների կոպիտ խախտում է: Առհասարակ այդ կայքն ու նրանով հրապարակված նյութերը լրատվության հետ բացարձակապես կապ չունեն, դա արվում է կոնկրետ մարդկանցիցի ինչ-որ բան մուրալու համար: Ասել կուզի սադրում է, որ իրեն լավ նայեն, բայց ոչ միշտ է դա նրա մոտ ստացվում, քանզի դեպքերի մեծամասնության ժամանակ, նրա իսկ կողմից հրապարակված նյութերի արդյունքում, նույն Արտյոմ Խաչատրյանը արժանանում է հասարակության, այս դեպքում ընթերցողի հայհոյախառն մեկնաբանությունների, դրան մենք բազմիցս ենք ականատես եղել:
Հիմա այսօր էլ, այս չկայացած լրագրողը, նյութ է հրապարակել, կապված վերջերս Աննա Հակոբյանի «Իմ քայլը» հիմնադրամին Ջավահիր Ծառուկյանի կատարած նվիրատվության հետ: Ի գիտություն Խաչատրյանի, չնայած նա շատ լավ գիտի դրա մասին, Ծառուկյան ընտանիքը, նմանօրինակ բարեգործական ծրագրերի դեռ 90-ականներից է աջակցում, էլ չասենք, թե ինչ խոշորամասշտաբ ծրագրերն են իրագործվել հենց «Գագիկ Ծառուկյան» բաեգործական հիմնադրամի շրջանակներում: Խաչատրյանը փորձել է այս ամենին այլ երանգավորում տալ, տեղափոխել այն քաղաքական դաշտ, ինչը բնականաբար չի ստացվելու, քանզի նման հիվանդ մտածելակերպով մարդկանց կարելի է մեկ ձեռքի մատների վրա հաշվել, իսկ իարականում նման իրադարձությունների կարևորությունն ու առաջնայնությունը՝ բազմահազար քաղաքացիներ կհասկանան այնպես ինչպես որ կա:
Այդուհանդերձ ցանկանում եմ Արտյոմին հուշել, որ նման թեմաների վրա չփորձի կայանալ կամ ինչ-որ նյութական կարիքներ բավարարել նման գործողություններով, քանզի սա այն դեպքը չէ, որի վրա հանարվոր է ինչ-որ այլ աստառ կարել: Սթափվիր ու հանգիստ նստի տեղդ Արտյոմ...