ՀՀ տարածքում կան մի շարք դժվարանցանելի ավտոճանապարհներ․ Դիլիջանի ոլորանները փակ են բեռնատարների համար

Հայաստանի տարածքում մարտի 30-ին՝ ժամը 17:00-ի դրությամբ կան փակ եւ դժվարանցանելի ավտոճանապարհներ: Վարդենյաց լեռնանցքը փակ է: Դիլիջանի ոլորանները փակ են բեռնատարների համար: Դժվարանցանելի են Սոթք-Քարվաճառ, Քաջարան-Գորիս, Կոտայքի մարզի Հրազդանի տարածաշրջանի, Տավուշի եւ Լոռու մարզերի ավտոճանապարհները եւ Սյունիքի մարզի «Մեղրու սար» կոչվող հատվածը: Լանջիկ-Մաստարա, Արագածոտնի մարզի Ապարանի եւ Արագածի միջհամայնքային եւ Շիրակի մարզի Ամասիայի եւ Աշոցքի տարածաշրջանի ավտոճանապարհներին առկա է մերկասառույց:

Ինչպես տեղեկացրին ՀՀ արտակարգ իրավիճակների նախարարությունից, Երեւանում, Արագածոտնի մարզի Արագածի տարածաշրջանում, Գեղարքունիքի մարզի Գավառ, Վարդենիս, Վայոց ձորի մարզի Ջերմուկ քաղաքներում, ինչպես նաեւ Շիրակի մարզի Արթիկ-Ալագյազ ավտոճանապարհին եւ Սյունիքի մարզի «Մեղրու սար» կոչվող հատվածում առկա են տեղումներ ձյան տեսքով: Արթիկ-Ալագյազ ավտոճանապարհին ձնաբուք է: Վարորդներին խորհուրդ է տրվում երթեւեկել բացառապես ձմեռային անվադողերով։

Վրաստանի տարածաշրջանային զարգացման եւ ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար:

2018 թ. հունիսի 30-ից 2019թ. մարտի 30-ը Երեւան-Մեղրի ավտոճանապարհի 139-րդ կմ-ին կատարվում են շինարարական աշխատանքներ, ինչի հետեւանքով մոտ 200 մ հատվածը միակողմանի փակ է բեռնատարների համար:

Մարտի 28-ին Սյունիքի մարզի Տաթեւ-Աղվանի ավտոճանապարհին տեղի է ունեցել քարաթափում, ինչի հետեւանքով 11-12 կմ հատվածը ժամը 20:30-ից երթեւեկելի է միակողմանի: