Կոնքերի և ճարպերի հեռացում. Քիմ Քարդաշյանի 2018 թ. բյութի-ծրագրերը

37-ամյա Քիմ Քարդաշյանն այդպես էլ ամբողջությամբ չի գոհանում իր արտաքինից: Պարզվում է, ըստ աստղին մոտ կանգնած աղբյուրների՝ նոր տարում նա մտադիր է մի շարք պլաստիկ վիրահատություններ անել:

Քիմի շատ երկրպագուներ վստահ են, որ նա կատարյալ է բոլոր չափանիշներով: Սակայն հեռուստաաստղն այդպես չի կարծում և անդադար շարունակում է կատարելագործել իր արտաքինը: Օրերս ամերիկյան Radar Online պորտալին հայտնի է դարձել, որ 2018 թվականին Քիմը ծրագրում է միանգամից մի քանի խոշոր վիրահատական միջամտություն: Աղբյուրը վստահեցնում է, որ Քարդաշյանը թաթախված է լինելու պլաստիկայով և արդեն մոտ ժամանակներս պատրաստվում է պառկել դանակի տակ: «Քիմը ցանկանում է հեռացնել կոնքերը և վերացնել ճարպերն ինչպես ներսից, այնպես էլ կոնքերի արտաքին հատվածներից»,- ասել է աղբյուրը:

Միաժամանակ աստղին մոտ կանգնած շրջապատն անհանգստություն է հայտնել, որ էլ ավելի գեղեցիկ լինելու իր ցանկություններում Քարդաշյանը շատ հեռուն կարող է գնալ: Նրանց խոսքով` նույնիսկ ընտանիքում երրորդ երեխայի ի հայտ գալու նախօրեին Քանյե Ուեսթի կնոջ մտքերը բացառապես զբաղված են բյութի հնարանքներով: