Ինչու՞ են կանայք թաքցնում իրենց զգացմունքները
Առաջինը մի զանգիր, մի խոստովանիր, որ սպասել ես նրա զանգին, անչափ հոգատար մի եղիր, նվերներ մի գնիր, ավելորդ կիրք մի արտահայտիր։ Կարճ ասած՝ եղիր լիրբ՝ անպատկառ արարած, ալյապես տղամարդը քեզ կօգտագործի և դեն կնետի։ Լիրբ եղիր և դու կլինես նրա կինը և իր երեխաների մայրը։ Կամ, միգուցե, բնակարան կգնի քեզ համար։ Կամ մեքենա։ Կամ որևիցե թանկարժեք մի բան․․․ Տղամարդու հետ հարաբերություններն ավարտել այն նյութական պաշարով, որն ունեցել ես մինչ նրան հանդիպելը՝ կանացի անգործնականության, նույնիսկ հիմարության գագաթնակետն է։
Տղամարդիկ էլ իրենց մտավախություններն ունեն։ Նվերներ հաճախ մի գնիր, առհասարակ՝ թանկարժեք նվերներ մի գնիր, ռեստորաններով երես մի տուր, մեքենայով մի ուղեկցիր՝ պարզապես ցույց մի տուր նրան քո մեքենան, այլապես դա կնշանակի, որ կնոջը քեզանից փող է հարկավոր։ Հաճախ մի զանգիր, ձևացրու, թե խիստ զբաղված ես, անհետացիր որոշ ժամանակով, այլապես կմտածի, թե ազատ ես և իրենով կլցնի ողջ տարածությունդ ու ժամանակդ։ Մի խոսքով՝ այնպես արա, որ այն լիրբը քեզ չխաբի, և դու կհանդիպես համեստ և պարկեշտ մի կնոջ։
Հոգատարության, անկեղծության, ջերմության և սիրո ցանկացած դրսևորումները հարկավոր է թաքցնել։ Տանջանքները, խաղը, հարաբերությունների ամրության փորձարկումներն ասես Հերակլի 12 քաջագործությունները լինեն՝ ով արժանապատվորեն անցնի այդ ճանապարը, նա էլ կստանա մրցանակը։ Սակայն մաշված, բայց պայքարում կոփված սիրտը կհանդիպի իր նման մաշված և կոփված մի սրտի։ Իրականում «հիմարները» փախչում են «լրբերից», իսկ պարզ և միամիտ տղամարդիկ և նույնքան պարզ և համեստ կանայք դառնում են «հիմարներ» և «լրբեր», եթե իրենց չհաջողվի միանգամից հանդիպել միմյանց։
Բոլոր օրենքներն արյունով են գրված։ Սիրո օրենքներն՝ առավելևս։ Քանի-քանի անգամ ենք ջարդուփշուր եղել և ինքներս մեզ խոստացել, որ «էլ երբեք․․․»։ Սակայն սիրո անհրաժեշտությունը մարդու հիմնական կարիքն է։ Իսկ դա նշանակում է, որ մենք երբեք չենք դադարի փնտրել այն՝ անտեսելով այդ բոլոր «ցավոտ է» , «ուշ է» «երբեք» բառերը։
Ես էլ եմ շատ անգամ ցավ ապրել։ Եվ լրբի դերն էլ եմ խաղացել։ Իսկ հիմա չեմ ուզում։ Ցավից էլ այլևս չեմ վախենում։ Եվ «երբեք»-ը փոխարինել եմ «օրերից մի օր»։ Օրերից մի օր ես կրկին ջարդուփշուր կլինեմ, բայց կցայտեմ երջանկության շողերով։ Այլապես կյանքն ու սերը պարզապես իմաստազրկվում են։
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Գերագույն գլխավոր տգետը չգիտի անգամ, որ Հայ Առաքելական Եկեղեցին հիմնադրել են Թադեոս և Բարդուղիմեոս ա...
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ռուբլին թանկացել է․ փոխարժեքն՝ այսօր
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Վիճաբանություն և ծեծկռտուք՝ Երևանում. կա վիրավոր. 6 մասնակիցների ինքնությունը պարզվել է