Գագիկ Ծառուկյանի շնորհավորական ուղերձը Հանրապետության տոնի առթիվ
Սիրելի՛ հայրենակիցներ,
Սրտանց շնորհավորում եմ բոլորիս Հանրապետության տոնի առթիվ: Արդեն 102 տարի մայիսի 28-ը խորհրդանշում է վերածնունդի ու դարերով փափագած անկախության ճանապարհի սկիզբը: Գոյատևելով ընդամենը 2 տարի՝ Հայաստանի առաջին հանրապետությունը փայլուն կատարեց իր պատմական առաքելությունը՝ հայ ժողովրդին զինելով անկախ պետականություն ունենալու հաստատակամությամբ ու նպատակասլացությամբ:
Սկզբում Խորհրդային Հայաստանի, իսկ 1991 թվականին արդեն ազատ և անկախ Հայաստանի Հանրապետության կերտման ճանապարհի սկզբնաքարը դրվեց հենց առաջին հանրապետության հռչակմամբ: 29-ամյա Հայաստանի երրորդ հանրապետությունն այսօր համավարակով պայմանավորված դժվարին օրեր է ապրում, սակայն մենք բոլորս պետք է հաստատակամ լինենք վստահորեն առաջ շարժվելու, մեր երկրի տնտեսությունը աստիճանաբար զարգացնելու, մեր անկախ պետականությունը հզորացնելու գործում: Բարեկեցիկ ու բարգավաճ Հայաստանի կերտումը այլընտրանք չպետք է ունենա: Այս նպատակին մենք կարող ենք հասնել բացառապես բոլորիս միասնականությամբ, մեր երկրի վաղվա օրն ավելի պայծառ դարձնելու հաստատակամությամբ:
Մեկ անգամ ևս շնորհավորում եմ այս գեղեցիկ օրվա՝ Հանրապետության տոնի առթիվ: Բոլորին մաղթում եմ քաջ առողջություն, ամուր հավատ, դժվարությունները հաղթահարելու կամք և տոկունություն:
Աստված պահապա՛ն մեզ բոլորիս…
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Հիշենք, որ մենք բոլորս հայ ենք, Հայաստանի քաղաքացիներ ենք, և մենք բոլորս մեկ նավի մեջ ենք. Մհեր Ավետ...
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...
Հանքարդյունաբերություն՝ բնության վրա նվազագույն ազդեցությամբ
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»
Ինչպես միշտ. ՔՊ-ն իր սովորական «ռեպերտուարի» մեջ է. «Փաստ»