Ի՞նչ մթերքներ չի կարելի տալ փոքր երեխաներին:

Փոքր երեխաների սննդից խորհուրդ է տրվում բացառել ավելացված շաքարը, քանի որ այն բարձրացնում է ճարպակալման եւ քրոնիկ հիվանդությունների ռիսկը: Նման խորհրդատվություններ է թողարկել Սննդային ուղեցույցների ամերիկյան փորձագիտական հանձնաժողովը (Dietary Guidelines Advisory Committee): Առաջին անգամ այս փաստաթղթում ընդգրկվել են նորածին երեխաների վերաբերյալ խորհուրդներ: Նրա վերլուծությունը հրապարակել է CNN-ը։

Մասնագետների խոսքերով՝ ծնողները պետք է խուսափեն երեխայի սննդակարգում շաքարի ավելացումից, քանի որ այն հաստատ երեխաների մոտ ճարպակալման զարգացում եւ հետագա քրոնիկ հիվանդություններ է առաջացնում: Փաստաթուղթը նաեւ ընդգծում է, որ ավելացված շաքարը անհրաժեշտ չէ երեխաների զարգացման համար:

Ավելացված է կոչվում այն շաքարը, որը մթերքների պատրաստման ընթացքում ավելացվում է դրանց: Այսինքն խոսքը այն շաքարների մասին չէ, որոնք բնականորեն պարունակվում են մթերքներում: Ավելացված շաքարով մթերքները սովորաբար սննդարար նյութերով աղքատ են՝ դրանցում շատ «դատարկ» կալորիաներ կան:

«Խնձորն ու նարինջը պարունակում են շաքար, սակայն դրանք նաեւ ապահովում են բջջանյութով եւ սննդանյութերով: Շաքար կա նաեւ մայրական կաթում, բայց այն նաեւ ունի շատ բաղադրիչներ, որոնք ուժեղացնում են իմունիտետը ու պայքարում են վարակի դեմ, եւ պարունակում են մեծ քանակությամբ ճարպեր, սպիտակուցներ, ածխաջրեր ու վիտամիններ, որոնք անհրաժեշտ են երեխային»,- CNN-ին հայտնել է Ամերիկյան մանկաբուժության ակադեմիայի (American Academy of Pediatrics) սննդի հանձնաժողովի նախագահ Ստեֆան Աբրամսը:

Որպես ըմպելիքի օրինակ, որը խորհուրդ չի տրվում տալ փոքր երեխաներին, Աբրամսը բերել է մրգահյութը: Նա ընդգծել է, որ դրա սննդային արժեքը տարբերվում է ամբողջական մրգերի արժեքից, այդ պատճառով մրգեր կարելի է ուտել, իսկ դրանց հյութը խմել չարժի։

Մասնագետի խոսքերով՝ 1-3 տարեկանում երեխան պետք է խմի ոչ ավելի, քան 120 միլիլիտր այս ըմպելիքից:

Փորձագիտական հանձնաժողովը առանձնացրել է հինգ տեսակի մթերք, որոնցից երեխաները ստանում են ավելացված շաքարի մոտ 70%-ը: Դրանք քաղցրացված ըմպելիքներն են, աղանդերները եւ քաղցր նախուտեստները, կոնֆետները, շաքարով թեյը եւ քաղցր փաթիլներով նախաճաշերը:

Մեծահասակների համար փորձագիտական հանձնաժողովը նվազեցրել է շաքարավազի օգտագործման թույլատրվող շեմը: Նախկինում «թույլատրվում էր» դրա հաշվին ստանալ օրական կալորիաների 10%-ը` սննդի 2000 կալորիա էներգետիկ արժեքով: Այժմ այդ ցուցանիշը նվազել է մինչեւ 6% (120 կալորիա): Համեմատության համար՝ շաքար պարունակող մեկ բաժակ գազավորված ըմպելիքը պարունակում է մոտ․․․

Ավելին․․․