Կորոնավիրուսը կարող է լուրջ հետեւանքներ ունենալ երեխաների մոտ
Նախկինում համարվում էր, որ երեխաների մոտ կորոնավիրուսի վարակը թեթեւ եւ առանց բարդությունների է ընթանում: Բայց վերջին շաբաթների ընթացքում ավելի ու ավելի շատ տեղեկություններ են հայտնվում, որոնք հերքում են այս կարծիքը: Այսպես, վերջերս Լոնդոնի Թագավորական քոլեջի մասնագետները նկարագրել են երեխաների մոտ ուժեղ կորոնավիրուսային վարակի անսպասելի հետեւանքը:
ՏԱՍՍ-ը հայտնում է, որ հետկորոնավիրուսային բորբոքային համախտանիշը (MIS-C) իմունային համակարգի խանգարման նոր ձեւ է: Բժիշկների խոսքով՝ առաջին հայացքից այս խնդիրը նման է Կավասակիի համախտանիշին՝ այն բնութագրվում է անոթային վնասվածքներով՝ անեւրիզմներով, թրոմբներով, տենդով, լորձաթաղանթների, մաշկի փոփոխություններով:
Փորձագետները սկսել են խոսել կորոնավիրուսի նոր հետեւանքի մասին՝ MIS-C-ով հիվանդացած 7-14 տարեկան 25 երեխաների հիվանդության պատմությունը ուսումնասիրելուց հետո: Բոլոր երեխաները ընդունվել են հիվանդանոցներ COVID-19- ի ծանր ձեւերով: Իսկ ապաքինվելուց հետո երեխաների մոտ զարգացել են հետկորոնավիրուսային բորբոքային համախտանիշի տարբեր տեսակներ, որոնք նման են Կավասակիի համախտանիշին: Նմանատիպ բողոքներով եւ խնդիրներով հոսպիտալացվել են նաեւ մի քանի այլ երեխաներ, որոնք նախկինում չեն բողոքել COVID-19-ի ախտանիշներից:
Երեխաների մեծ մասը չի ունեցել Կավասակիի համախտանիշի ախտանիշների ամբողջ տեսականին կամ գրանցվել են ատիպիկ ախտանիշներ, ինչպիսիք են մարսողական խնդիրները: Դասական պատկեր դիտարկվել է միայն երկու դեպքում:
Բժիշկները նշել են նաեւ Կավասակիի համախտանիշի եւ MIS-C-ի միջեւ տարբերությունը՝ արյան չափորոշիչների եւ իմունային բջիջների ակտիվության մակարդակի առումով։ MIS-C ունեցող հիվանդների արյան մեջ դիտարկվել են մեծ քանակությամբ տարրեր, որոնք նպաստում են արյան թրոմբների ձեւավորմանը, իսկ նրանց արյան մեջ մոնոցիտների եւ նեյտրոֆիլների քանակը մնացել է ցածր, ինչը բնորոշ չէ Կավասակիի համախտանիշին: Սա նշանակում է, որ տվյալ դեպքում խոսքը բոլորովին նոր համախտանիշի մասին է։
Գարշահոտ ու հակասանիտարական վիճակ՝ Մալաթիայում
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին