Գիտնականները գրիպի տարածման նոր եղանակ են հայտնաբերել
Գրիպի վիրուսը կարող է փոխանցվել մեկ մարդուց մյուսին` կպչելով տարբեր պինդ մարմինների, ներառյալ փոշու եւ մանրաթելային կտորների մակերեւույթին: Այսպիսի եզրակացության են հանգել ամերիկացի գիտնականները, որոնց նոր ուսումնասիրությունը հրապարակվել է Nature Communications գիտական ամսագրում:
«Մենք միշտ համարել ենք, որ գրիպի վիրուսը փոխանցվում է կաթիլների եւ աերոզոլների միջոցով, որոնք արտաշնչում է հիվանդ մարդը՝ խոսելիս, հազալիս կամ փռշտալիս: Հետեւաբար մենք զարմացանք՝ իմանալով, որ սովորական փոշին կարող է տարածել վիրուսային մասնիկները եւ վարակել նոր զոհերի»,- ասվում է Կալիֆոռնիայի համալսարանի զեկույցում, փոխանցում է ՏԱՍՍ-ը:
Հետազոտության շրջանակներում գիտնականները գրիպի դեմ պատվաստել են մի քանի ծովախոզուկների, որից հետո նրանց տեղավորել են շրջապատից լիովին մեկուսացված վանդակի մեջ: Վանդակում օդի շրջանառության համակարգը հագեցած է եղել ֆիլտրերով, որոնց վրա կարող էին տեղակայվել մասնիկները: Այս ֆիլտրերի օգնությամբ կարելի էր հասկանալ, թե ինչ մասնիկներ են հայտնվել վանդակի օդում: Ընդ որում՝ արձանագրվել է, թե խոզուկների որ գործողություններն են հանգեցրել ֆիլտրերի վրա մասնիկների նստելուն: Պարզվել է, որ երբ կենդանիները սկսել են շարժվել, օդում հայտնվել են փոշու եւ տարբեր մանրաթելերի բազմաթիվ մասնիկներ:
Այնուհետեւ գիտնականները խոզուկների մորթին եւ մաշկը մշակել են գրիպի վիրուսի մասնիկներ պարունակող լուծույթով: Պատվաստումների շնորհիվ ծովախոզուկներն իրենք չեն վարակվել, սակայն նրանք անընդհատ շրջակա միջավայր են արտանետել հազարավոր վիրուսային մասնիկներ, որոնք կպել են փոշեհատիների եւ մանրաթելերի մակերեւույթին: Եվ վիրուսային մասնիկները նաեւ ակտիվորեն նստել են ֆիլտրերի վրա: Երբ ֆիլտրերը հեռացրել են, իսկ օդի շրջանառության համակարգը միացրել են մեկ այլ վանդակի, որտեղ եղել են գրիպի դեմ չպատվաստված կենդանիներ, երկրորդ վանդակի բնակիչները վարակվել են:
Գարշահոտ ու հակասանիտարական վիճակ՝ Մալաթիայում
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»