Եթե այսպես շարունակվի, կարող է ուսուցիչներն ու ծնողները թքած ունենան այս ծրագիրը կազմողների բանտիկների վրա. ազգագրագետ
Գաղտնիության պայմաններում ստեղծված չափորոշիչները հանկարծ պայթյունի նման ներմուծվեցին եւ դրվեցին քննարկման: Այս մասին այսօր՝ օգոստոսի 25-ին, լրագրողների հետ հանդիպման ժամանակ նշեց Երեւանի Ալեքսանդր Բլոկի անվան 122 դպրոցում ռուսական բաժնի ուսմասվար Արմինե Վաղրամյանը:
«Ես ուզում եմ հավաստաիցնել, որ ոչ մի մանկավարժ, ոչ մի գիտնական, այդ ոլորտի գործիչ տեղյակ չի եղել այդ գործընթացից: Գաղտնիության պայմաններում ստեղծվել են խմբեր, որոնք ստեղծել են բացարձակապես անընդունելի չափորոշիչներ:
Հաջորդը մենք ստացանք նույնպես մի անկատար փաստաթուղթ՝ դպրոց հաճախելու մասին հարգը: Այդ կարգը եւս քննարկման դրվեց այն ժամանակ, երբ այն արդեն գրված էր, պետք է գործածության մեջ դրվեր, իսկ մինչ այդ քննարկման չէր դրվել: Կարգն անկատար է ամբողջությամբ՝ սկսած դիմակներ կրելուց, երեխաների հաճախելուց»,-ասաց նա:
Վաղրամյանը հավելեց, որ այդ կարգով ուսուցիչներին պարտադրվում է զանգվածաբար թեստ հանձնել, առանց դրա ուսուցիչները չեն կարող մտնել դպրոց. «Մենք Սահմանադրության մեջ ունենք դրույթներ մարդու անձնական կյանքի անձեռնմխելիությանը վերաբերող, եւ անկացած մարդ իրավունք ունի չանելու այն, ինչը համարում է վտանգավոր իր առողջության ու կյանքի համար: Իսկ կա՞ դրույթ, որ պետք է պարտադիր թեստավորում անցնեն նաեւ աշակերտներն ու նրանց ծնողները: Այդ դեպքում եկեք ամբողջ ազգին թեստավորենք:
Գործող նախարարը շատ մեծ շնորհակալ գործ արած կլինի հենց իր անձի համար, եթե հրաժարական տա, իսկ իրենից հետո եկողը կկարողանա շատ հեշտ նրա տված պարտավորությունների մեջկողմնորոշվել, թե որը կարող է ընդունել, որն է անընդունելի»,-ընդգծեց նա:
Իր հերթին Պատմաբան, ազգագրագետ Սուսաննա Մելիքյանը նշեց. «700-800 աշակերտ ունեցող դպրոցն ինչպե՞ս կարող է առավոտյան այդքան երեխայի ջերմաչափել, նոր դպրոց ընդունել: Քանի ժամ դա պետք է տեւի:
Կամ ուսուցիչը պետք է 8 ժամ դիմակով դաս անցկացնի՞: Բա նրա առողջությունը»:
Նա պատմեց հայտնի անեկդոտը հարսի ու սկեսուրի մասին, երբ հարսն ասում է՝ «թքած ունեմ քո բանտիկների վրա»: «Եթե այսպես շարունակվի, կարող է ուսուցիչները, աշակերտներն ու ծնողները թքած ունենան այս ծրագիրը կազմողների բանտիկների վրա:
Կամ ինչ է նշանակում թույլ չտալ, որ երեխան դասամիջոց անի: Սա աննորմալ, հակաբնական եւ ուղղակի հիստերիկ, հիվանդագին ինչ-որ բան է: Այս մարդկանց ուղեղը կամ հիվանդագին է, կամ հատուկ արել են, որ դպրոցները հրաժարվեն այս առկա ծրագրից, եւ անցնեն հեռավարին:
Ոչ մի ծնող չի համաձայնի, որ իր երեխան 45 րոպե դիմակով նստի: Պետք է դպրոցները սեպտեմբերի 1-ից անժամկետ գործադուլի դուրս գան»:
Գարշահոտ ու հակասանիտարական վիճակ՝ Մալաթիայում
Երբ ակնկալիքների ու իրականության միջև խոր անդունդ է. «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Հայ ժողովրդի մեծ մասը մանդատ չի տվել Փաշինյանին և իր քաղաքական թիմին. Աննա Կոստանյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին