Forbes-ը հրապարակել Է Ռուսաստանի ամենահարուստ կանանց վարկանիշը
«Լուկօյլ»-ի համասեփականատեր միլիարդատեր Լեոնիդ Ֆեդունի դուստրը՝ Եկատերինա Ֆեդունը, ըստ Forbes հանդեսի վարկածի, 700 միլիոն դոլար կարողությամբ դեբյուտել Է Ռուսաստանի ամենահարուստ կանանց վարկանիշում՝ միանգամից զբաղեցնելով երրորդ հորիզոնականը, տեղեկացնում Է «Արմենպրես»-ը:
Առաջատարները մնացել են անփոփոխ. առաջին հորիզոնականում կրկին Inteco Management ընկերության նախագահ Ելենա Բատուրինան Է, որի կարողությունն աճել Է մինչեւ 1,3 մլրդ դոլար, իսկ երկրորդում Ռուսաստանում խոշորագույն Wildberries ինտերնետ-խանութի հիմնադիր Տատյանա Բակալչուկն Է (1,1 մլրդ դոլարով): Վարկանիշում երկրորդ տարին անընդմեջ հայտնվել են միանգամից երկու միլիարդատերեր, նշում Է հրատարակությունը:
Չորրորդ դիրքն զբաղեցնում Է մասնավոր ներդրող Տատյանա Կովալչուկը՝ գործարար Յուրի Կովանչուկի կինը՝ 600 մլն դոլար կարողությամբ: Ելենա Ռիբոլովլեւան, որն առաջին անգամ Forbes Woman-ի վարկանիշում տեղ Էր գտել 2016 թվականին՝ նախկին ամուսնու՝ միլիարդատեր Դմիտրի Ռիբոլովլեվի հետ դատավեճի ավարտվելու շնորհիվ, նոր վարկանիշում հայտնվել Է հինգերորդ տեղում. հանդեսը նրա կարողությունը գնահատել Է 600 մլն դոլար: Նրան հաջորդում Է «Պրոգրես» ընկերության բաժնետեր Օլգա Բելյավցեւան (500 մլն դոլար):
Forbes-ը յոթերորդ հորիզոնականում տեղավորել Է միլիարդատեր Արկադի Ռոտենբերգի դստերը՝ Լիլյա Ռոտենբերգին՝ 500 մլն դոլար կարպիտալով: Նրան հաջորդում Է «ՆովատԷկ»-ի կառավարման փոխնախագահ Տատյանա Կուզնեցովան (450 մլն դոլար): Վարկանիշի 9-րդ դիրքն զբաղեցրել Է Եվգենյա Գուրեւան (400 մլն դոլար), որին 2007 թվականից ուղղակիորեն պատկանում Է «Ֆոսագրո»-ի բաժնետոմսերի փաթեթը: Թոփ-10-ը եզրափակում Է «Համագործակցություն» ընկերությունների խմբի համասեփականատեր Նատալյա Լուցենկոն (400 մլն դոլար):
Վարկանիշում երկրորդ նոր անձը Լյուդմիլա Կոգանն Է, որը «Ուրասլիբ»-ի հիմնական բաժնետեր՝ անցյալ տարի մահացած Վլադիմիր Կոգանի այրին Է: Նա ժառանգություն Է ստացել ամուսնու բաժինը (81,8 տոկոս) բանկում, որը մտնում Է Ռուսաստանի խոշորագույն բանկերի թոփ-30-ի մեջ: Հանդեսը նրա կարողությունը գնահատել Է 350 մլն դոլար եւ հատկացրել վարկանիշի 13-րդ հորիզոնականը:
Վարկանիշի մասնակցուհիների միագումար կարողությունը նոր ռեկորդ Է սահմանել՝ կազմելով 10,7 մլրդ դոլար, հաղորդել Է ՌԻԱ Նովոստին:
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Նոյեմբերի 3/4-ին 36 ժամ ջուր չի լինելու
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
Հիշենք, որ մենք բոլորս հայ ենք, Հայաստանի քաղաքացիներ ենք, և մենք բոլորս մեկ նավի մեջ ենք. Մհեր Ավետ...
Երկսայր սուր. «հարմարավետության» ու հարկային հոսքերի կենտրոնացվածության խորացման արանքում. «Փաստ»
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...
Հանքարդյունաբերություն՝ բնության վրա նվազագույն ազդեցությամբ
Աշխարհաքաղաքական «սեյսմիկ» տեղաշարժերն ու տնտեսական, էներգետիկ, ռազմական ռիսկերը. «Փաստ»
Պոպուլիզմի տնտեսական գինը. Հայաստանում խոշոր բիզնես անելը դառնում է «բարձր ռիսկային». «Փաստ»