«Յուվենտուսը» պայմանագիր կստորագրի Սուարեսի հետ նրա՝ «Բարսելոնայից» հեռանալուց հետո․ Sky Sports Italia

Թուրինի «Յուվենտուսը» հետաքրքրված է կատալոնական «Բարսելոնայի» ֆուտբոլիստ Լուիս Սուարեսի ծառայություններով և պատրաստ է պայմանագիր կնքել ուրուգվայցի հարձակվողի հետ «կապտանռնագույնների» ճամբարից հեռանալուց հետո, հայտնում է Sky Sports Italia-ն: Ավելի վաղ «Բարսելոնայի» ղեկավարությունը հայտարարել էր, որ «Բարսելոնայի» նոր գլխավոր մարզիչ Ռոնալդ Կոեմանը ապագայում հույս չի կապում Սուիարեսի հետ: 33-ամյա հարձակվողն ինքն է ցանկանում խզել պայմանագիրը ակումբի հետ, որը ուժի մեջ է մինչև 2021 թվականի ամառ, և որպես փոխհատուցում ստանալ 25 միլիոն եվրոյի չափով գումար: Ինչպես նշվում է, «Յուվենտուսը» մտադիր է սպասել Սուարեսի և «Բարսայի» միջև ստեղծված իրավիճակի կարգավորմանը և պայմանագիր կնքել ուրուգվայցու հետ՝ որպես ազատ գործակալի: 2014 թվականից Սուարեսը խաղում է «Բարսելոնայում»: «Կապտանռնագույնների» կազմում նա չորս անգամ նվաճել է Իսպանիայի գավաթը, Չեմպիոնների լիգան և ՈւԵՖԱ-ի Սուպերգավաթը: Ընդհանուր առմամբ, հարձակվողը «Բարսայի» կազմում անցկացրել է 283 հանդիպում, որոնցում դարձել է 198 գոլի հեղինակ: