ՏԵՍԱՆՅՈՒԹ. Արտյոմ Կանևսկոյին մի քանի հարց են տվել եւ ազատ արձակել. նոր մանրամասներ երեկվա կրակոցներից

Երեկ Երևանում հնչած կրակոցներից հետո իրավապահները շտապել են «օրենքով գող» Արտյոմ Կանևսկոյի բնակարան եւ նրան տարել են ոստիկանության Մաշտոցի բաժին: Հիշեցնենք, որ երեկ ՀՀ ոստիկանության Մաշտոցի բաժնում ահազանգ էր ստացվել այն մասին, որ Հալաբյան փողոցում կրակոցներ են հնչել, 4 անձ՝ հրազենային մարմնական վնասվածներով, տեղափոխվել է «Արմենիա» և «Նաիրի» բժշկական կենտրոններ:

Մեր տեղեկություններով` Կանևսկոյից հետաքրքրվել են իր քրոջ որդիների վրա կրակելու հանգամանքներից եւ մի քանի ժամ հետո ազատ արձակվել:

Իսկ ո՞վ եւ ինչո՞ւ կրակեց օրենքով գողի քրոջ որդիների ուղղությամբ, դեռեւս պարզ չէ, քանի որ վիրավորվածները երեկ վիրահատվել են, առայժմ գտնվում են վերակենդանացման բաժնում, վիճակները կայուն է: Մեզ հասած լուրերի համաձայն՝ իրավապահները սպասում են, որ վիրավորները դեպքի մասին պատմեն իրենց, թե ով եւ ինչու պետք է կրակեր իրենց վրա, իսկ կպատմե՞ն արդյոք օրենքով գողի հարազատները իրավապահներին իրենց կասկածների մասին, ցույց կտա քննությունը:

Հավելենք, որ դեպքի առթիվ ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 34-104 հոդվածի (սպանության փորձ) 2-րդ մասի և 235-րդ հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասի հատկանիշներով:

Մանրամասները՝ տեսանյութում

Քնար Մանուկյան