Արտակարգ դեպք Արագածոտնի մարզում
SHAMSHYAN.com-ի տեղեկություններով, երեկ՝ սեպտռեմբերի 5-ին, արտակարգ դեպք է տեղի ունեցել Արագածոտնի մարզում: Ժամը 14:50-ի սահմաններում, «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «գլխի գագաթային, ծոծրակային և ձախ այտի արճիճե գնդակներից վնասվածք» ախտորոշմամբ իրենց մոտ է տեղափոխվել մի քաղաքացի: Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Մաշտոցի բաժնի օպերատիվ խումբը, ովքեր պարզել են, որ վիրավորը Երևանի բնակիչ, 39-ամյա Արթուր Հ.-ն է: Վերջինս վնասվածքը ստացել է Արագածոտնի մարզում: Մինչ բժիշկները օգնություն էին ցուցաբերում վիրավորին, ոստիկանության Արագածի բաժնի ծառայողները՝ բաժնի պետ Ջանիկ Մարությանի գլխավորությամբ, պարզել են, որ Արթուր Հ.-ն վնասվածքը ստացել է Արագածոտնի մարզի Գեղարոտ գյուղի դաշտամիջյան հատվածում հարակից արտերում որս կատարող այլ որսորդի կողմից հրացանով կրակելու արդյունքում: Այնուհետև ոստիկանության Մաշտոցի և Արագածի բաժինների ծառայողները՝ համատեղ իրականացնելով անհրաժեշտ միջոցառումներ, պարզել են, որ վնասվածքը պատճառել է նրա ընկերը՝ Ապարան քաղաքի բնակիչ, 43-ամյա Արթուր Խ.-ն, ով որսի ժամանակ անզգուշությամբ կրակել է իր անվամբ հաշվառված «ՏՕԶ-63» տիպի, 16մմ տրամաչափի որսորդական հրացանով: Փաստի առթիվ ոստիկանության Արագածի բաժնի հետաքննչական բաժանմունքում նյութեր են նախապատրաստվում: Արթուր Խ.-ն հրավիրվել է ոստիկանության Արագածի բաժին, կատարվածի մասին տվել բացատրություն և բաց է թողնվել: Գ. Շամշյանի տեղեկություններով, վիրավոր Արթուր Հ.-ն ոստիկաններին հայտնել է, որ ինքն աշխատում է «Դուբայ Շոփ» ՍՊԸ հիմնադիր տնօրեն: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Իրանը ծրագրեր ուներ գրավելու ամբողջ Մերձավոր Արևելքը և ամբողջությամբ ոչնչացնելու Իսրայելը. Թրամփ
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Հայկ Մարությանը քաղաքացիներին հանդիպելու` նախադեպը չունեցող ձևաչափ է ընտրել. «Փաստ»