Խմբակցությունից դուրս գա՞լն է առաջնահերթ, թե՞ արցախցիների հարցերի լուծումները գտնելը․ Սոֆյա Հովսեփյան
ԱԺ «Իմ քայլը» խմբակցության պատգամավոր Սոֆյա Հովսեփյանը մամուլի հրապարակումներից է տեղեկացել, որ խմբակցության քարտուղար Հակոբ Սիմիդյանն ու պատգամավոր Հայկ Սարգսյանը երեկ ուշ գիշերին գնացել են Վարդան Աթաբեկյանի տուն, ով ավելի վաղ հայտարարել էր, որ խմբակցությունից դուրս է գալիս, և իր գործունեությունը շարունակելու է որպես անկախ պատգամավոր։
«Չեմ խոսել նրանցից ոչ մեկի, որ հասկանամ՝ նպատակը ո՞րն էր գնալու, միգուցե որպես խմբակցության քարտուղար է գնացել, որպեսզի հասկանա՝ պատճառն ինչն է, կամ այլ պատճառ կա։ Եթե գնացել են հաշիվ պահանջելու՝ շատ տգեղ երևույթ է, եթե գնացել են խմբակցությունից դուրս գալու պատճառները հասկանալ, ապա սա նորմալ է, դրա համար էլ ես ենթադրություններով չեմ խոսելու, պիտի հասկանամ՝ պատճառը որն է, իսկ ես չեմ ուզում հիմա ժամանակ տրամադրել մի բանին, որովհետև երկրում կան լուրջ խնդիրներ, որոնցով ես զբաղվում եմ»,- NEWS.am-ի հետ զրույցում ասաց Սոֆյա Հովսեփյանը։
Մեր հարցին, թե ստեղծված իրավիճակում իր՝ խմբակցությունից դուրս գալու հիմքեր տեսնո՞ւմ է, իշխող ուժի պատգամավորն ասաց․
«Հիմք, իհարկե, կա։ Հիմքը հայտնի փաստաթուղթն ու երևույթն է, բայց ես ուզում եմ հասկանալ՝ շարունակելո՞ւ եմ ծառայել պետությանն ու պետության խնդիրներին, թե՞ ոչ։ Իհարկե, խմբակցությունից դուրս գալ կամ չգալը չի փոխի այդ երևույթը, բայց հիմա դա՞ է առաջնահերթ խնդիրը, թե՞ շարունակել ստեղծված իրավիճակում արցախցիների տեղափոխման, տեղավորման և մնացյալ հարցերի լուծումները գտնել»։
Գարշահոտ ու հակասանիտարական վիճակ՝ Մալաթիայում
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Երբ իրավունքի ուժը հատում է մարդասիրության սահմանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին