«ԼՂ-ում կատարվածի համար մեղավոր է մեկ մարդ՝ Նիկոլ Փաշինյանը. նրա հեռանալով մենք կկարողանանք լուծել Հայաստանում առկա շատ հարցեր». Վանեցյանի հարցազրույցը «Լուրերի դաշնային գործակալությանը»
Հայրենիք» կուսակցության նախագահ, ՀՀ Ազգային անվտանգության ծառայության նախկին ղեկավար Արթուր Վանեցյանը հարցազրույց է տվել ռուսական «Լուրերի դաշնային գործակալությանը»` մեկնաբանելով Լեռնային Ղարաբաղի վերջին պատերազմն ու Հայաստանում ստեղծված ներքաղաքական վիճակը:
Վանեցյանը Լեռնային Ղարաբաղում տեղի ունեցածի համար որպես միակ մեղավոր նշել է Նիկոլ Փաշինյանին:
«Ո՞վ է մեղավոր: Մեղավոր է մեկ մարդ, և նրա անունը Նիկոլ Փաշինյան է: Եվ, ցավոք, այդ մարդը մինչ հիմա զբաղեցնում է Հայաստանի վարչապետի պաշտոնը: Տեղի ունեցածը նրա ոչ պրոֆեսիոնալ լինելու, տարրական անտեղյակության, ինչպես նաև նրա հետևանք է, որ Փաշինյանը չի հասկանում, որ ինքն այլևս սովորական լրագրող չէ, այլ երկրի ղեկավար: Նա 2,5 տարի մեր երկիրը տանում էր դեպի պատերազմ: Մենք բազմիցս զգուշացրել ենք նրան, որ գործի նկատմամբ նման մոտեցումը ողբերգության կհանգեցնի: Ճիշտն ասած, մենք չէինք սպասում, որ ողբերգությունն այս մասշտաբի կլիներ: Մենք ունենք գրեթե 5000 սպանված, գրեթե 10 000 վիրավոր, ավելի քան հազար 1000 անհետ կորած: Եվ պետությունը, ցավոք, ոչինչ չի ձեռնարկում անհետ կորածներին, ինչպես նաև մարտական գոտում մնացած դիակները վերադարձնելու համար»,-ասել է Վանեցյանը:
Քաղաքական գործչի խոսքով՝ այս ամենը վկայում է, որ Հայաստանում այսօր ղեկավարություն չկա:
«Նախ, Հայաստանի հանրապետությունը պարզապես ղեկավար չունի: Երկրոդ, այն մարդը, որը ստորագրել է կապիտուլյացիայի ամոթալի ակտը, բարոյական իրավունք չունի պահանջներ ներկայացնել ադրբեջանական կողմին»,-ասել է ԱԱԾ նախկին տնօրենը՝ ընդգծելով, որ դա ասում է մեծ դառնությամբ:
Վանեցյանի խոսքով՝ Նիկոլ Փաշինյանը բոլոր մեղքերի համար մեղադրում է բոլորին, բացի իրենից, պատասխանատվություն չի ստանձնում:
«Հայաստանում կա մեկ մեծ խնդիր, և նրա անունը Նիկոլ Փաշինյան է: Նրա հեռանալով մենք կկարողանանք լուծել շատ հարցեր, որոնք առկա են մեր երկրում»,-նշել է Վանեցյանը:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։
Ըստ այդ հայտարարության՝ Լեռնային Ղարաբաղում շփման գծի երկայնքով և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորախումբ, այդ թվում՝ հրաձգային զենքով զինված 1960 զինծառայող, 90 զրահամեքենա, 380 միավոր ավտոմոբիլային և հատուկ տեխնիկա: ՌԴ խաղաղապահների մի մասին արդեն տեղակայվել է Արցախում։
Գարշահոտ ու հակասանիտարական վիճակ՝ Մալաթիայում
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Երբ իրավունքի ուժը հատում է մարդասիրության սահմանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին