Արցախյան պատերազմում մենք ունեցանք 4 Ազգային հերոսներ. Ովքեր են նրանք ու ինչ պարգևներ հանձնվեցին մյուսներին

Analitik.am-ը ՀՀ նախագահականից հետաքրքրվել է, թե ովքեր են «Ազգային հերոսի» կոչում ստացել Արցախյան պատերազմի (սեպտեմբերի 27-նոյեմբերի 9) ընթացքում և/կամ դրան մասնակցելու համար: Մենք նաև հետաքրքվել ենք, թե ինչ պարգևներ են հանձնվել նույն պատերազմի ժամանակ և/կամ դրան մասնակցելու համար:

Մեր հարցման պատասխանն ամբողջությամբ ներկայացնում ենք ստորև

«Հայտնում ենք՝ ս.թ. սեպտեմբերի 27-ից սկսված պատերազմի ընթացքում  հայրենիքի պաշտպանության և անվտանգության ապահովման գործում մատուցած բացառիկ ծառայությունների, մարտական գործողությունների ընթացքում ցուցաբերած անձնվիրության, արիության և անմնացորդ նվիրումի համար Հայրենիքի շքանշանի է արժանացել 4 զինծառայող՝  գնդապետ Վահագն Ֆելիքսի Ասատրյանը /հետմահու/, գեներալ-լեյտենանտ Տիրան Վազգենի Խաչատրյանը, գեներալ-մայոր Անդրանիկ Սուրենի Փիլոյանը և գնդապետ Գարեգին Սամվելի Պողոսյանը:

Վերոնշյալ ժամանակահատվածում հայրենիքի պաշտպանության և անվտան­գության ապահովման գործում ներդրած ավանդի, մարտական գործողությունների ընթացքում ցուցա­բերած արիու­թյան և հմտության, հայրենիքի սահմանները պաշտպանելիս ցուցաբերած խիզախության և անմնացորդ նվիրումի համար վարչապետի միջնորդությամբ և նախագահի հրամանագրերով պարգևատրվել են նաև ընդհանուր թվով 846 զինծառայողներ, որոնցից՝ 31-ը՝ «Մարտական խաչ» 1-ին աստիճանի, 30-ը՝ «Մարտական խաչ» 2-րդ աստիճանի, 5-ը՝ «Հայրենիքին մատուցած ծառայությունների համար» 1-ին աստիճանի շքանշաններով, 30-ը՝ Արիության, 718-ը՝ Մարտական ծառայության, 7-ը՝ «Հայրենիքին մատուցած ծառայությունների համար» 1-ին աստիճանի և 25-ը՝ «Հայրենիքին մատուցած ծառայությունների համար» 2-րդ աստիճանի մեդալներով»:

Ավելին՝ այստեղ