ԱՄՆ նախագահի վարչակազմը Հայաստանին 24.005.000 դոլարի չափով օգնության փաթեթ է առաջարկում

ԱՄՆ նախագահ Ջո Բայդենի վարչակազմը Հայաստանին 24.005.000 դոլարի չափով օգնության փաթեթ է առաջարկում։ Այս մասին հաղորդում է ԱՄՆ Հայ դատի հանձնախումբը։ Փաթեթից 23 մլն 405 հազար դոլար աջակցությունը առաջարկվում է որպես օտարերկրյա օգնություն, իսկ 600 հազար դոլարը որպես ռազմական օգնություն։

ԱՄՆ կոնգրեսի սենատորների և ներկայացուցիչների պալատի անդամները բազմիցս կոչ են արել վարչակազմին 100. 000. 000 ԱՄՆ դոլարի չափով օգնություն տրամադրել Հայաստանին և Արցախին։

ԱՄՆ Հայ դատի հանձնախմբի գործադիր տնօրեն Արամ Համբարյանը նշել է, որ Հայաստանի համար նախատեսված բյուջեն, որը նախատեսված է Արցախում և Հայաստանում հումանիտար ճգնաժամի լուծման համար, շատ հեռու է այն հիմնական կարիքներից, որոնց բախվում են Բաքվի կողմից իրականացված էթնիկ զտման հետևանքով հազարավոր տեղահանվածները։

Համբարյանը նշել է նաև, որ ԱՄՆ կառավարությունը նավթով հարուստ Ադրբեջանին 120. 000.000 ԱՄՆ դոլարի ռազմական օգնություն հատկացնելու համար միջոցներ գտել են։

«Այդուհանդերձ որոշ չափով գումար էլ առաջարկում է ադրբեջանական բանակի կողմից ոչնչացված և տեղահանված արցախյան ընտանիքների համար: Կոնգրեսը պետք է սահմանի իրավունքը` զրոյացնելով ԱՄՆ-ի կողմից Բաքվին զենքի և օգնության տրամադրումը և մեծացնի ԱՄՆ օգնության փաթեթն Արցախին և Հայաստանին»,- ասել է Համբարյանը:

ավելին