Պատերազմում զոհվածների և հաշմանդամություն ունեցողների համար որքան վարկեր են մարվել և վերանայվել. ԿԲ նախագահը թվեր է հրապարակել

Ֆինանսական համակարգը մոտ 2.5 մլրդ դրամի չափով վարկ է ներել պատերազմում զոհվածների, նրանց հարազատների և հաշմանդամություն ունեցողների վարկերը։ Մամուլի ասուլիսի ժամանակ այս մասին ասաց Կենտրոնական բանկի նախագահ Մարտին Գալստյանը։

ԿԲ նախագահը նշեց, որ 2020-ի ընթացքում ֆինանսական կազմակերպությունների կողմից 1.3 տրիլիոն դրամի վարկ է վերանայվել։
Մարտին Գալստյանը նշեց, որ տնտեսության տաքացման հետ գործ ունենք և մարդիկ անհամաչափ ավելի մեծ վարկային պարտավորություններ են վերցնում. «Ընդհանուր վարկատեսակների հիմնական մասը բիզնես վարկերն են մոտ 67 տոկոս, 24 տոկոս հիփոթեքային վարկերն են։ Այս տարվա ընթացքում ունենք որոշակի վարկային ռեսուրսների նկատմամբ պահանջարկի նվազում, մինչդեռ բավարարված հայտերի տեսակարար կշիռն էական փոփոխության չի ենթարկվել»,-ասաց ԿԲ նախագահը։

ավելին