Ոսկու գինը շարունակում է աճել ԱՄՆ-ի վիճակագրության ֆոնին

Ոսկու գինը չորեքշաբթի առավոտյան շարունակում է աճել ԱՄՆ-ում գնաճի վերաբերյալ վիճակագրության տվյալների ֆոին, փոխանցում է «Փրայմ»-ը:

New York Comex ֆոնդային բորսայում ոսկու օգոստոսյան ֆյուչերսների պայմանագրի գինն աճել է 0.23 տոկոսով կամ 4.1 դոլարով՝ մեկ տրոյական ունցիայի դիմաց կազմելով 1814 դոլար: Արծաթի սեպտեմբերյան ֆյուչերսների գինն աճել է 0.12 տոկոսով՝ մեկ ունցիայի դիմաց 26.172 դոլար:

Ներդրողները գնահատում են ԱՄՆ-ում գնաճի վիճակագրությունը, որը տարեկան կտրվածքով արագացել է՝ հասնելով 5.4 տոկոսի, ինչն ամենամեծն է 2008-ի օգոստոսից ի վեր:

Ոսկուն աջակցում է նաեւ ամերիկյան արժույթի անկումը գնաճի տվյալներից հետո: Դոլարի ինդեքսը նվազում է 0.04 տոկոսով՝ կազմելով 92.72 կետ: