Կիսամերկ ու սեքսուալ. Վիկտորյա Սահակյանը նոր ֆոտոշարքում ամբողջովին մերկացրել է կրծքերը

Դերասանուհի Վիկտորյա Սահակյանն օրերս իր երկրպագուներին ուրախացրեց նոր ֆոտոշարքով, որում հանդես է եկել բավականին համարձակ ու սեքսուալ կերպարում:
BlogNews.am կայքի հետ զրույցում Վիկտորյա Սահակյանը պատմում է սեքսուալ ֆոտոշարքի մտահղացման, ծնողների արձագանքի, գիրանալու ու ինչպես նաև Զիրոյանի հետ սիրավեպի վերաբերյալ շշուկների մասին:

«Լուսանկարչի՝ Միլենի հետ արդեն աշխատել էինք: Որոշել էինք որ կրկին կաշխատենք, որովհետև բավականին սիրել էի իր աշխատելաոճը, իսկ ինքն էլ սիրել էր ինձ կադրում: Այս անգամ որոշեցինք աշխատել ավելի մեծ ու պրոֆեսիոնալ թիմով, մենք ստացանք երեք կերպար:

Ինձ մոտ չկա այնպիսի ֆոտոշարք, որը լինի ուղղակի: Եթե ես տրամադրում եմ դրան ժամանակ, խլում եմ նաև ուրիշների ժամանակը, լուսանկարները պետք է տպավորիչ լինեն՝ տարբերվող, սեքսուալ, թեկուզ ծիծաղելի, բայց պետք է հիշվեն»,- պատմում է Վիկտորյան ու հավելում, որ նկարահանումների օրն անցել է լավ մթնոլորտում, չնայած որ բոլորը բավականին հոգնած էին աշխաանքային դժվար օրվա ավարտից հետո: 

«Նկարահանումը բավականին ուշ ժամի էր, բոլորս հոգնած էինք, բայց ամեն բան շատ լավ անցավ: Ոտաբոբիկ վազում էի առաջին հարկից երկրորդ հարկ, որովհետև Կամերային թատրոնի երկաթյա աստիճանների վրա դժվար է բարձրակրունկներով քայլել: Շնորհակալ եմ մեր թատրոնին, որովհետև ցանկացած մտքով կաորղ եմ կիսվել տնօրենի՝ Լուսինե Երնջակյանի հետ, ով միշտ տալիս է ճիշտ խորհուրդ: Նա իմ կյանքում այն մարդկանցից է, ում հանդեպ բացարձակ վստահություն եմ տածում»,-ասում է նա:

Չնայած որ ֆոտոշարքում Վիկտորյան համարձակ ու անկեղծ կերպարում է, այն բավականին դուր է եկել թե՛ նրա ծնողներին, թե՛ քույրիկին:

Ֆոտոշարքի մեկնաբանություններում եղել են ինչպես դրական, այնպես էլ բացասական մեկնաբանություններ: Սակայն բացասականներին անդրադառալ դերասանուհին չի սիրում. «Կար մի մեկնաբանություն, սակայն դրա մասին չեմ ցանկանա խոսել: Ինձ մոտ հիմնականում գերակշռում են մարդիկ, ովքեր հավանում են այն, ինչ ես եմ անում: Ես միշտ բաց եմ առողջ քննդատության համար»: 

Խոսելով գեղեցիկ կազմվածքի ու իր սննդակարգի մասին՝ Վիկտորյան նշում է, որ ամենից շատ կշռում է հենց հիմա գիշերները շատ սնվելու պատճառով:

«Ես չեմ կարծում, որ կազմվածքս իդեալական է, բայց ֆոտոշոփի չենք ենթարկում երբեք: Ոչ մի սննդակարգի երբեք չեմ հետևել: Քանի որ հիմնականում տանն եմ լինում վերջին շրջանում ու գիշերը ամեն հնարավոր ժամի ուտում եմ, ինձ ծանր եմ զգում: Մաքսիմալ քաշս 52-54 կիլոգրամն է, դրանից ավելի շատ երբեք չեմ կշռել: 

Նախատեսում եմ զբաղվել մարմնամարզությամբ: Կկիսվեմ անպայման արդյունքներով ինստագրամյան իմ բլոգում, որովհետև հասկանում եմ, որ մարդիկ, շատ ժամանակ, մոտիվացիայի կարիք ունեն»,- կիսվում է նա:

Վիկտորյան չի խուսափում անդրադառնալ նաև իր ու Զիրոյանի սիրավեպի մասին շշուկներին. «Ես ու Զիրոյանն այդ շշուկների հանդեպ անտարբեր ենք, նույնիսկ անիմաստ է դրանց անդրադառնալը, որովհետև դա հենց դեղին մամուլի ցանկությունն է: Մենք ազնիվ ենք բոլորի հետ, ես՝ ինքս, կրկին հավատցանում եմ, որ դրանք միայն շշուկներ են ու բացարձակ գաղափար չունեմ, թե այդ շշուկները որտեղից են հայտնվում:

Շնորհակալ եմ իմ ադեկվատ հանդիսատեսին, հեռուստադիտողին ու հետևորդին, որովհետև շատ ժամանակ ուղղակի էներգիա եմ ծախսում նման շշուկներ հերքելու համա: Շատ ուրախ եմ, որ ո՛չ ես, ո՛չ Զիրոյանը դրանով չենք զբաղվում, որովհետև դա ժամանակի կորուստ է: Հայտնի մարդիկ, որոնց անվան շուրջ շշուկներ են պտտվում, իրավունք ունեն իրենց անձնական կյանքը  գաղտնի պահել, որովհետև այդտեղ ոչ ոք իրավունք չունի ներխուժելու»: 

Շարունակությունը