ՖՈՏՈ. Ինչ կապ կա ՏիկՏոկից հայտնի Վիլենայի և Հայկ Սարգսյանի միջև

ՏիկՏոկում հայտնի Վիլենան Yerevan24.info-ին պատմել է մեծ թվով հետևորդներին գրավելու, իր տեսանյութերին՝ հայրիկի՝ նախկին պատգամավոր Վահան Կարապետյանի վերաբերմունքի, անձնական կյանքի, ասեկոսեների և իր անձը իմքայլական պատգամավոր Հայկ Սարգսյանի ու ԱԱԾ նախկին տնօրեն Արթուր Վանեցյանի որդու՝ Արտյոմ Վանեցյանի հետ կապելու մասին: 

— Վիլենա, հանրությունը Ձեզ ճանաչում է ՏիկՏոկից, ինչպե՞ս եք կարողացել գրավել այդքան հետևորդներին:

— Սկզբում ես ՏիկՏոկ նկարում էի ամերիկյան ձայների ներքո, հայերը մտածում էին ամերիկացի եմ, չէին նայում: Մի անգամ առանց մտածելու հայկական հումորային տեսանյութ արեցի, մարդիկ սկսեցին գրել՝ «ո՞նց, ինքը հայ ա», «ամերիկացի ա, դիտավորյալ ա հայերեն խոսում, որ լայք հավաքի»…

Հետո հասկացա, որ չեն հավատում հայ եմ ու սկսեցի դիտավորյալ հայկական երգերի տակ տեսանյութեր նկարել, ու դա հետաքրքրեց մարդկանց և հետևորդներիս թիվը գնալով մեծացավ: Երևի թե գլխավոր պատճառն այն է, որ հայի արտաքին չունեմ:

— Ի՞նչ եք անում մյուս տիկտոկեռներից տարբերվելու և նրանցից առաջ անցնելու համար: 

— Առանձնահատուկ ոչինչ չեմ անում: Պարզապես, երբ ես նոր հայտնվեցի ՏիկՏոկում, այնտեղ արդեն հայտնի մարդիկ սկսեցին համախմբվել ու ինձ ծաղրող տեսանյութեր անել: Սակայն իրենք չէին էլ պատկերացնում, որ դրանով ինձ ոչ թե վատություն արեցին, այլ հակառակը և ես մի քանի օրում իրենցից առաջ անցա հետևորդների թվով:

— Ձեր հայրը ինչպե՞ս է վերաբերում Ձեր տեսանյութերին ու լուսանկարներին: Բազմիցս ասել եք, որ հաճախ հենց ինքն է նկարում Ձեզ:

— Երբ տեսանյութ եմ նկարում, նախևառաջ ցույց եմ տալիս ծնողներիս, նրանց թույլտվությունը ստանալուց հետո նոր հրապարակում եմ: Իսկ եթե առանց խորհրդակցելու եմ հրապարակում, ու հետո դա իրենց դուր չի գալիս, անմիջապես ջնջում եմ: Բայց քանի որ իմ երազանքն է հայտնի լինել՝ իրենք միշտ իմ կողքին կանգնած են այդ հարցում:

— Ի՞նչ քայլեր եք անում ոչ միայն ՏիկՏոկում, այլև ուրիշ ոլորտներում հայտնի դառնալու համար:

— Ինստագրամում էլ եմ գրանցված, յութուբում ևս որոշ չափով հետևորդ ունեմ: Հիմա սկսում եմ հայկական գեյմինգը, ինչը Հայաստանում մի քանի հոգի են անում և ոչ այնքան պրոֆեսիոնալ: Իսկ աղջիկ հայ գեյմեր չունենք, և ես կլինեմ առաջինը: 

Ամերիկայում գեյմինգը շատ զարգացած է, Հայաստանում էլ քիչ-քիչ զարգանում է, խանութներում արդեն տեսնում եմ գեյմինգի տեխնիկաներ, աթոռներ ու հասկանում եմ, որ այստեղ ևս մեծ տարածում է գտնելու:

— Ազատության հրապարակում տեսանյութ էիք նկարել և կից գրել 10 000-ի հոտ առնողները՝ նկատի ունենալով ընդդիմադիր հայացքներ ունեցող հավաքների մասնակիցներին: Նպատակը ո՞րն էր:

— Իրականում, իմ քաղաքական տեսանյութը հումորային էր, պարզապես մարդիկ չհասկացան: Եթե ես ուզեի քաղաքական երանգ տալ, ապա ուրիշների պես խոսքով կասեի ասելիքս: Ես ցանկություն չեմ ունեցել ոչ ոքի վիրավորել:

— Ձեր անձը սկսեցին կապել քաղաքականության մեջ գտնվող անձերի հետ, մասնավորապես՝ իմքայլական պատգամավոր Հայկ Սարգսյանի, ինչպես նաև Արթուր Վանեցյանի որդու՝ Արտյոմ Վանեցյանի հետ: Չե՞ք սրտնեղում դրանցից:

— Խոսակցություններ են տարածում, թե իբր ես այս կամ այն մարդու հետ եմ շփվում: Պետք է ասեմ, որ իրականում ես այդ մարդկանց չեմ էլ ճանաչում:

Շարունակությունը