Ոսկու գինը թույլ տատանվում է

Ուրբաթ առավոտյան ոսկու գինը խորհրդանշականորեն աճում է ավելի վաղ գրանցված անկումից հետո` անվճռականությամբ ամերիկյան մակրո վիճակագրության հրապարակման նախօրեին:

Նյու Յորքի Comex բորսայում ոսկու դեկտեմբերյան ֆյուչերսների գինն աճել է 0.07 տոկոսով կամ 1.15 դոլարով` մեկ տրոյական ունցիայի դիմաց մինչեւ 1812.65 դոլար: Արծաթի դեկտեմբերյան ֆյուչերսների գինն աճել է 0.06 տոկոսով եւ կազմել 23.935 դոլար մեկ ունցիայի դիմաց:

Նախորդ երկու աճուրդային նստաշրջաններում ոսկու շուկան զգալի անկում էր ապրել: Այս դինամիկային նպաստել է ամերիկյան արժույթի ամրապնդումը:
Թրեյդերները սպասում են օգոստոսին ԱՄՆ-ի ոչ գյուղատնտեսական ոլորտում զբաղվածների թվի մասին հաշվետվությանը: Վերլուծաբանները կարծում են, որ այդ ցուցանիշն աճել է 750 հազարով՝ մեկ ամիս առաջ 943 հազարով աճից հետո: Բացի այդ, սպասվում է, որ գործազրկության մակարդակը կնվազի մինչեւ 5.2 տոկոս՝ նախորդ ամսվա 5.4 տոկոսի փոխարեն:

Ըստ Oanda-ի վերլուծաբանների, որոնց վկայակոչում է Wall Street Journal-ը, շուկան կենտրոնացած է ԱՄՆ ոչ գյուղատնտեսական աշխատավարձերի թվի վերաբերյալ զեկույցի հրապարակման վրա: «Տվյալների ուժը սպասումների հետ կապված, ամենայն հավանականությամբ, կարող է ուժեղ կատալիզատոր դառնալ թանկարժեք մետաղի գների շարժի համար` ունցիայի դիմաց 1.850 դոլար կամ ունցիայի դիմաց 1.750 դոլար»,- հավելել են փորձագետները: