Ո՞րն է առաջին հարաբերության լավագույն տարիքը
Առաջին սեռական հարաբերությունը, վաղ կամ ուշ սեռական հարաբերությունը ունեն մեծ ազդեցություն տղաների և աղջիկների հետագա հոգեբանության և սեռական կյանքի վրա։ Անհրաժեշտ է երիտասարդների տեղեկացված լինելը՝ վաղ կամ ուշ սեռական հարաբերության առավելությունների և վնասակարության, ինչպես նաև առաջին սեքսի օպտիմալ ժամանակահատվածի մասին:
Ո՞րն է սեքսի օպտիմալ տարիքը։
Առաջին սեռական հարաբերությունների տարիքը այսօր զգալիորեն նվազել է։ Օրինակ Իսլանդիայում 15․6 տարեկանն է, սկանդինավյան երկրներում՝ 16 տ․, ԱՄՆ-ում՝ 17տ․, Ռուսաստանում՝ 18տ․։ Մեծամասամբ առաջին սեքսին նպաստում են զույգերի ալկոհոլ օգտագործելը։ Ինչո՞վ է վտանգավոր վաղ սեռական կյանքը։ Վաղ սեռական հարաբերությունը բացասաբար կարող է անդրադառնալ զույգերի հետագա սեռական հարաբերությունների վրա, քանի որ նրանք հաճախ լավ տեղեկացված չեն սեռական կյանքի, ինֆեկցիաների և հակաբեղմնավորիչների մասին։ Հետևաբար հղիությունը կամ հղիության վախը ինքնին մեծ ստրես է։ Երիտասարդ աղջիկների մեծ մասը չգիտի սեռական ճանապարհով փոխանցվող ինֆեկցիաների և պահպանակի օգտագործման մասին։ Հետևաբար նրանք վստահում են տղաներին, որոնք իրենց հերթին միշտ աչքի չեն ընկնում իրենց գիտելիքներով, արդյունքում վաղ սեռական հարաբերությունները ավարտվում են սեռավարակներով կամ ոչ ցանկալի հղիությամբ: Դեռահասների հղիության բարդությունները։ Տարեկան 12 միլիոն աղջիկ (15-19 տարեկան) է ծննդաբերում։ Յուրաքանչյուր տարի առնվազն 10 միլիոն անցանկալի հղիություն է գրանցվում։ Այս տարիքային խմբում հղիության և ծննդաբերության բարդությունները հանդիսանում են մահվան հիմնական պատճառները: Դեռահաս մայրերը ունեն ավելի շատ ռիսկ՝ էկլամպիայի, հետծննդաբերական էնդոմետիտի և համակարգային ինֆեկցիաների համար, քան 20 տարեկանից բարձր տարիքի դեպքում։ Այս տարիքային խմբում շատ տարածված է աբորտը, ինչը հանգեցնում է մայրական մահացության, հիվանդացության և առողջության երկարաժամկետ խնդիրների:
Վաղ սեքսն ու արգանդի վզիկի քաղցկեղը։
Շատ վաղ և ակտիվ սեռական կյանքը մեծացնում է արգանդի վզիկի քաղցկեղի առաջացման ռիսկը: Կան տվյալներ այն մասին, որ վաղ սեռական հարաբերություն ունեցող աղջիկների մոտ պապիլոմա վիրուսով վարակվելու հավանականությունը մեծ է, որն էլ իր հերթին կարող է հանգեցնել արգանդի վզիկի քաղցկեղի: Առաջին սեքսն ու կնոջ հոգեբանական խնդիրները։ Առաջին սեռական փորձի հետ կապված բացասական հույզերը կարող են առաջացնել մի շարք հոգեբանական խնդիրներ։ Այս աղջիկների մոտ կարող է նույնիսկ վախ ու հակակրանք առաջանալ սեռական կյանքի նկատմամբ, որը հետագայում հաճախ կնոջ ֆրիգիդության պատճառ է դառնում։ Իսկ այս բոլորը ազդում է կնոջ ամուսնական կյանքի և երջանկության վրա:
Իսկ ինչպե՞ս է ազդում ուշ սեռական կյանքը։
Ուշ սեքսը կարող է պատճառ դառնալ կնոջ մոտ սեռական խանգարումների և հոգեբանական խնդիրների իհայտ գալուն։ Ընդհանուր արմամբ սեքսը ապահովում է կնոջ հորմոնալ բալանսը, իսկ բացակայությունը կարող է հանգեցնել հորմոնալ և օրգազմի խանգարումների։
Եզրակացություն։
Իհարկե, յուրաքանչյուր մարդ ինքն է որոշում իր սեռական հարաբերության ժամանակը: Ինտիմ հարաբերությունները պետք է սկսվել այն ժամանակ, երբ աղջիկն ունի կայուն դաշտանային ցիկլ: Այս ժամանակահատվածը սկսվում է առաջին դաշտանային ցիկլից 2-3 տարի անց։ Սակայն բժիշկները խորհուրդ չեն տալիս շտապել այս հարցում և առաջին սեքսի լավագույն տարիքը տղաների և աղջիկների համար համարում են 18-20 տարիքը։
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Դամասկոսում՝ Մակրոնի հանգրվանած հյուրանոցի մոտակայքում, պայթnւցիկ սարքեր են գործարկվել
Սևանում բախվել է 4 մեքենա․ կան վիրավnրներ
Իշխանությունն իր արտաքին հովանավորներից ստացել է ազդանշան՝ անցնելու ագրեսիվ քաղաքական գործողությունն...
Իրավապահները «Վերածնունդ» հուշահամալիրից գերեզմանոց տանող ճանապարհին ձերբակալել են թմրանյութ տեղադրո...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է
«Ժողովուրդ». 13-ժամյա խուզարկությունից հետո ինչո՞ւ է Արթուր Պողոսյանը ցուցադրում 70-ամյա Ծառուկյանի ...
Զելենսկին հայտարարել է, որ պատերազմի ելքը որոշելու է «երկինքը», և Պուտինին սպառնացել է Մոսկվա ուղարկ...