Ադրիանա Գալստյանը մասնակցում է «Միսս Տիեզերք Արմենիա» մրցույթին
Դերասանուհի Ադրիանա Գալստյանը մասնակցում է «Միսս Տիեզերք Արմենիա» մրցույթին, որը հաղթելու դեպքում Հայաստանը կներկայացնի «Միսս Տիեզերք» մրցույթին:
Tert.am Life-ի հետ զրույցում Ադրիանան ասաց, որ դա իր համար մեծ երազանք է:
««Միսս Տիեզերք»-ին մասնակցելու ցանկությունս շատ վաղ տարիքից կար, բայց ունեի որոշ սահմանափակումներ և մտածում էի, որ դա երազանք էլ կմնա: Ես մտածում էի, որ եթե շատ բարձր հասակ չունես, չես կարող մասնակցել մրցույթին: Իհարկե, ես ցածրահասակ էլ չեմ, սակայն կարծում էի, որ մրցույթին մասնակցելու չափանիշները շատ ավելի բարձր են,- ասաց նա ու հավելեց, որ կարծրատիպը կոտրվել է Գոհար Հարությունյանի տեսաուղերձը դիտելուց հետո և որոշել է գնալ իր երազանքի հետևից:
«Ժամանակ առ ժամանակ ինքս ինձ ասում եմ՝ Ադրիանա, հավատա, դու արդեն քո երազանքի մեջ ես»,- ոգևորությամբ նկատեց նա: Դերասանուհին որպես ֆոտոմոդել ներկայացել է, սակայն պոդիումով քայլելու փորձ չունի: Ասում է՝ սկզբում մտավախություն ուներ, թե մարդիկ ինչպես կընդունեն իր մասնակցության լուրը:
«Մտածում էի, գուցե, մարդիկ ասեն` իսկ ի՞նչ կապ ունի դերասանուհին «Միսս Տիեզերք»-ի հետ, բայց ինքս ասելով դերասանուհի՝ պատկերացնում եմ մի շարք որակների համադրություն` գեղեցկություն, խոսք, կուլտուրա, պահվածք, վերաբերմունք: Սա իմ երազանքն է: Կյանքն ընդամենը մեկ անգամ է մեզ տրված, թող մյուսների կարծիքը չսահմանափակի մեզ գնալու մեր երազանքների ու նպատակների հետևից: Արդեն սպասումներիս կես ճանապարհին եմ, որովհետև մարդիկ շատ դրական արձագանքեցին իմ մասնակցությանը»,- ասաց նա՝ հավելելով, որ ամբողջ ներուժը դնում է մրցույթի մեջ: Նա նաև նշեց, որ սերիալներում իրեն այլևս չեն տեսնի:
Հարցին, թե ինչպես է գնահատում իր հնարավորությունը, Ադրիանան պատասխանեց. «Ցանկացած դեպքում ես գնահատում եմ մարդու ցանկությունն ու աշխատասիրությունը: Դրանք ունենալու դեպքում անհնարին ոչինչ չկա: Այլ տվյալների մասին խոսել չեմ ուզում, որովհետև չեմ ուզում ինձ համեմատել և դրանից ելնելով ասել ինչ առավելություններ ունեմ: Ես եզակի եմ, և դա արդեն իմ առավելությունն է»:
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ռուբլին թանկացել է․ փոխարժեքն՝ այսօր
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Ուրիշ ո՞ւմ հետ պետք է մենամարտեմ հիմա, եթե ոչ նրա. Ծառուկյանը նոր մրցակից է ընտրել
Արման Թաթոյանը առաջարկ է ներկայացրել Ալիևին (տեսանյութ)