Հրաբխի ժայթքումը Կանարյան կղզիներում. օրվա լուսանկարը

NASA-ն ներկայացրել է Պալմա կղզում գտնվող Կումբրե-Վիեխա հրաբխի ժայթքման պատկերները, որոնք արվել են տիեզերքից:

Հրապարակված լուսանկարները ցույց են տալիս, թե ինչ տեսք ունի Կումբրե-Վիեխա հրաբխի ժայթքումը տիեզերքից: Դրանք ստացվել են սեպտեմբերի 26-ին Landsat 8 արբանյակով, հայտնում է The Universemagazine Space Tech-ը:

Առաջին լուսանկարն արվել է բնական գույներով: Այն ցույց է տալիս հրաբխի արձակած քաշափեշը` բաղկացած մոխիրից, ծծմբի երկօքսիդից եւ այլ հրաբխային գազերից: Մենք կարող ենք տեսնել նաեւ դեպի օվկիանոս շարժվող լավայի հոսքը: Այն կեղևոտ է եւ ուստի` մուգ գույնի: Երկրորդ լուսանկարն արվել է ինֆրակարմիր դիապազոնում: Այն թույլ է տալիս ճիշտ տեսնել լավայի հոսքի կառուցվածքը:

Կղզու հյուսիսային մասում` Ռոկո դե Լոս Մուչաչող լեռան վրա, գտնվում է տեսանելի եւ ամենամոտ ինֆրակարմիր տիրույթում աշխատող ամենահզոր ցամաքային աստղադիտակը (դրա հիմնական հայելու տրամագիծը 10.5 մ է): Ըստ վերջին հաղորդումների` ժայթքումը դրան կրիտիկական վնաս չի հասցրել:

Պալմա կղզում գտնվող Կումբրե Վիեխա հրաբուխը սկսել էր ժայթքել սեպտեմբերի 19-ին: Նրա թափած լավայի հոսքն արդեն ավերել է 450 տուն, մի քանի տասնյակ կիլոմետր ճանապարհ, ինչպես նաեւ` բանանի, ավոկադոյի եւ խաղողի տնկարկներ, որոնց աճեցմամբ զբաղված է տեղի բնակչության մեծ մասը: Այս պահին կղզու իշխանությունները տարհանել են ինը հազար մարդու, եւ այս թիվը, ամենայն հավանականությամբ, առաջիկա օրերին կավելանա: