Իլոն Մասկը ևս 1 մլրդ դոլար է աշխատել Tesla-ի բաժնետոմսերը վաճառելով

Ամերիկյան Tesla ընկերության հիմնադիր և տնօրեն Իլոն Մասկն ընկերության ևս մոտ մեկ մլն բաժնետոմս է վաճառել: Ինչպես հաղորդում է Корреспондент-ը, գործարարը իրացրել է մոտ 1.6 մլն արժեթղթի գնման օպցիոնները՝ 6.24 դոլարով՝ մեկ բաժնետոմսի դիմաց:

Վաճառվել է 934 090 արժեթուղթ՝ ընդհանուր 1.02 մլրդ դոլարով: Բաժնետոմսերի վաճառքի մեկնարկի սկզբից ի վեր, ընդհանուր առմամբ, Իլոն Մասկը ավելի քան 22.8 մլն օպցիոն է իրացրել:

Մասկը նոյեմբերի 8-ին հարցում էր անցկացրել թվիթերյան էջում՝ խորհուրդ հարցնելով՝ վաճառի իր բաժնետոմսերի 10 տոկոսը, թե ոչ:  

Դեկտեմբերին ավելի վաղ գործարարը հայտարարել էր, որ 2021 թվականին ավելի քան 11 մլրդ դոլարի հարկ է վճարելու, ինչի համար էլ վաճառում է բաժնետոմսերի մի մասը:

Տարեսկզբից Tesla-ի բաժնետոմսերը թանկացել են 54,3 տոկոսով