Playboy-ի մոդելը 53 պլաստիկ վիրահատություն է տարել և մնացել պարալիզացված դեմքով

Տեխասի բնակչուհին որոշել է անճանաչելիորեն փոխվել և մնացել է պարալիզացված դեմքով։ Համապատասխան պատմությունը հայտնվել է Daily Star-ում։

Ըստ նյութի՝ Playboy-ի 45-ամյա մոդել, պոռնոաստղ Լորենա Ֆաբիանա Կոլոտան, որն ավելի հայտնի է որպես Սաբրինա Սաբրոկ, 53 պլաստիկ վիրահատության է ենթարկվել։ Նրա խոսքով՝ մանկուց ցանկացել է տիկնիկի տեսք ունենալ, սակայն թանկարժեք պրոցեդուրաների համար բավական գումար չի ունեցել։ Հասունանալով` կինն աշխատանքի է անցել հեռուստատեսությունում և սկսել գումար խնայել վիրահատությունների համար:

Կոլոտան ձգել է դեմքը, կրծքի իմպլանտներ տեղադրել, շուրթերը մեծացրել հիալուրոնաթթվի և բոտոքսի ներարկումներով: Բացի այդ, նյութի հերոսուհին իր մարմնի վրա մեծ քանակությամբ դաջվածքներ է արել։

Բոտոքսի և հիալուրոնաթթվի ներարկումով վերջին պրոցեդուրաների ժամանակ Կոլոտայի դեմքը կաթվածահար է եղել։ «Ես չեմ կարողանում ժպտալ: Ես ինձ հիմար եմ զգում: Ամեն շաբաթ ներարկումներ էի անում, և բժիշկներն ասում էին, որ ինձ մոտ բարդություններ կան: Դեմքիս աջ մասում կաթված եմ ստացել»,- ասել է նա։

Այս պահին նյութի հերոսուհին պատրաստվում է գնալ վերականգնողական կենտրոն` մկանները թուլացնելու և նյարդային համակարգը նորմալացնելու համար։