Google Maps-ի օգտատերը պնդում է, որ այլմոլորակայինների տիեզերանավ է գտել

Google Maps-ի օգտատերերից մեկը պնդում է, որ քարտեզների վրա գտել է թփերի մեջ թաքնված տիեզերանավի լուսանկար, հայտնում է Mirror-ը։

Գտածոյի հեղինակ Սքոթ Ուորինգը հայտնել է, որ օբյեկտը գտնվում է Հարավային Աֆրիկայում։ Ավելին, ուֆոլոգը կարծում է, որ նավը կառավարող այլմոլորակայիններն այժմ ապրում են մարդկանց մեջ։

«Ես ուսումնասիրում էի Google Maps-ը, երբ հանդիպեցի մետաղական սկավառակի, որը վայրէջք է կատարել Հարավային Աֆրիկայում: Կարծես սա այլմոլորակայինների նավի վայրէջքի վայրն է, որը փորձում է աննկատ մնալ», - մեկնաբանել է տղամարդը:

«Պարզելու լավագույն միջոցը` մոտենալ այս սկավառակին և ստուգել, ​​թե ինչ է այն», - գրել է մեկնաբաններից մեկը: