Հայտնի են «Օսկար 2022»-ի հավակնորդները

Այս տարի «Օսկար» մրցանակաբաշխությունը տեղի կունենա մարտի 27-ին՝ Լոս Անջելեսի «Դոլբի» թատրոնում: Երեկոյան ամերիկյան կինոակադեմիան հայտնել է բաղձալի արձանիկի հավակնորդների անունները:

«Լավագույն ֆիլմ» անվանակարգում ներկայացված են «Բելֆաստ», «CODA. խուլ ծնողների երեխան», «Մի նայեք վերեւ», «Դյունա», «Վարիր իմ մեքենան», «Ռիչարդ արքա», «Մատուտակի պիցցա», «Սարսափների ծառուղի», «Շան իշխանություն» եւ «Վեսթսայդյան պատմություն» կինոնկարները:

Կադրը՝ «Դյունա» ֆիլմից«Լավագույն ռեժիսոր» կոչման համար կպայքարեն Քեննեթ Բրանան («Բելֆաստ»), Ռյուսուկե Համագուտին («Վարիր իմ մեքենան»), Փոլ Թոմաս Անդերսոնը («Մատուտակի պիցցա»), Սթիվեն Սփիլբերգը («Վեսթսայդյան պատմություն») եւ Ջեյն Քեմփիոնը («Շան իշխանություն»):

Կադրը՝ «Մատուտակի պիցցա» ֆիլմից

Կադրը՝ «Մի նայեք վերեւ» ֆիլմի

Նիքոլ Քիդմանը («Լինել Ռիկարդո»), Ջեսիկա Չեսթեյնը («Թեմի Ֆեյի աչքերը»), Օլիվյա Քոլմանը («Անծանոթ դուստր»), Պենելոպե Կրուսը («Զուգահեռ մայրեր») ու Քրիստեն Ստյուարտը («Սփենսեր») հավակնում են «Լավագույն դերասանուհի» տիտղոսին:

Կադրը՝ «Ռիչարդ արքա» ֆիլմից

«Լավագույն դերասան» անվանակարգում հաղթանակի են հավակնում Ուիլ Սմիթը («Ռիչարդ արքա»), Խավիեր Բարդեմը («Լինել Ռիկարդո»), Էնդրյու Գարֆիլդը («Տիկ-տակ, բում»), Դենզել Վաշինգտոնը («Մաքբեթի ողբերգությունը») եւ Բենեդիկտ Քամբերբեչը («Շան իշխանություն»):

«Լավագույն անիմացիոն ֆիլմ» անվանակարգում ներկայացված են «Էնկանտո», «Լուկա», «Միթչելներն ըննդեմ մեքենաների», «Փախուստ» եւ «Ռայան եւ վերջին վիշապ» անիմացիոն ֆիլմերը:

Կադրը՝ «Շան իշխանություն» ֆիլմից

Դեռ հայտնի չէ սպասվելիք մրցանակաբաշխության ձեւաչափը, սակայն 7-րդ անգամ երեկոյի ռեժիսորն է լինելու «Էմմի» մրցանակակիր Գլեն Վայսը:

3 տարի շարունակ հաղորդավար չունեցող «Օսկարը» հավանական է, որ այս տարի կվարի Ուիլ Փաքերը, թեկնածուների թվում նշվում է նաեւ Թոմ Հոլանդը: